体验上帝所赐嘅平安

3． 约瑟嘅生活突然发生乜嘢转变？

³ 约瑟嘅哥哥见父亲雅各特别痛锡约瑟，就心生妒忌。后来，喺约瑟大约17岁嘅时候，佢哋就将约瑟当奴隶卖咗。（创世记37:2-4,23-28）结果，约瑟不得不远离自己心爱嘅父亲，有成13年嘅时间喺埃及被迫成为奴隶同受囚禁。乜嘢帮助约瑟不致因为陷入绝望而向困苦低头屈服？

4． （甲）约瑟喺监狱嘅时候细心留意乜嘢？（乙）耶和华点样回应约瑟嘅祷告？

⁴ 约瑟喺监狱受苦嘅时候，一定细心留意耶和华点样赐福俾佢。（创世记39:21；诗篇105:17-19）佢年轻嗰时所作嘅一啲预示未来嘅梦，亦都使佢确信自己受到耶和华嘅悦纳。（创世记37:5-11）可能佢唔只一次向耶和华倾诉自己嘅痛苦。（诗篇145:18）耶和华回应约瑟衷心嘅祷告，使约瑟深信遭遇一切患难嘅时候耶和华都“与佢同在”。（使徒行传7:9,10）a

使耶和华有理由赐福俾你

11,12． （甲）约瑟点样做，使耶和华有理由赐福俾佢？（乙）约瑟保持忍耐，结果耶和华点样奖赏佢？

¹¹ 我哋面对一啲突然嘅变化嗰时，好容易会过度忧虑将来嘅事，导致我哋除咗成日谂住自己嘅难题就乜嘢都唔想做。约瑟都有可能会噉样。不过，佢决心喺当时嘅情况下尽力做自己做到嘅事，使耶和华有理由赐福俾佢。虽然身处监狱，约瑟仲系辛勤工作，努力完成监狱长交俾佢嘅任务，就好似佢为波提乏做嘅噉。（创世记39:21-23）

¹² 有一日，约瑟得到一个任务，要照顾两个曾经喺法老嘅宫廷担任要职嘅人。约瑟仁慈对待佢哋，所以两个人就将佢哋嘅忧虑同前一晚佢哋所作嘅令人费解嘅梦话俾约瑟知。（创世记40:5-8）约瑟当时并唔知道，呢次交谈会使佢得到自由。两年之后，佢获得释放，而且当日就成为地位仅次于法老嘅高官。（创世记41:1,14-16,39-41）

13． 无论喺乜嘢情况下，我哋可以点样使耶和华有理由赐福俾我哋？

¹³ 我哋可能会好似约瑟噉，身处于自己完全无法控制嘅情况。不过，只要我哋保持耐心，喺当前嘅环境下尽力做能够做嘅事，噉耶和华就有理由赐福俾我哋。（诗篇37:5）