38． 基督嘅门徒可以跨过难关，获得胜利，表明咗乜嘢呢？

³⁸ 基督嘅门徒虽然遭受攻击，但继续喺灵性上进步，人数越来越多。佢哋跨过嘅每一个难关，获得嘅每一次胜利，都系确凿嘅证据，表明上帝嘅王国真系喺度统治紧。如果唔系上帝通过佢嘅儿子同弥赛亚王国，大力支持佢地上嘅仆人，而且赐福俾佢哋，净系靠呢一小群唔完美嘅人，又点可以一次又一次噉战胜撒但同呢个邪恶嘅制度呢？（请读以赛亚书54:17）

39,40． （甲）呢本书有乜嘢特色？（乙）研读呢本书对你有乜嘢益处？

³⁹ 喺接落嚟嘅篇章里面，我哋会睇吓上帝嘅王国喺天上建立之后嘅一百年期间，喺地上成就咗啲乜嘢。呢本书嘅每一篇会讲吓上帝嘅王国喺某方面已经成就或者将要成就嘅事。每一章都有个温习栏，俾大家可以谂一谂，上帝嘅王国对自己嚟讲有几真实。