王国嘅应许——更新一切

你将一个香甜可口嘅苹果从树上摘落嚟。你闻吓呢个苹果嘅香味，然后将佢放落一个装满苹果嘅篮入面。你已经工作咗几个钟头嘞，不过，你一啲都唔觉得攰，就算再做多啲都冇问题。你妈妈就喺苹果树旁边，佢一边开心噉工作，一边同嗰啲帮手摘苹果嘅亲友交谈。佢睇嚟好年轻，就同你童年记忆当中嘅妈妈一样。你难以相信自己曾经睇住佢衰老，因为嗰个唔完美嘅世界已经永远消逝嘞。以前，你亲眼睇住妈妈因为患病而逐渐衰弱，直到佢停止呼吸嗰一刻，你都一直握住佢嘅手。之后，你喺妈妈嘅墓前，流下伤心嘅泪水。但系，佢而家就喺你面前，同好多人一样再次得到生命，恢复完美嘅身心！

我哋清楚知道，噉样嘅日子一定会来临，因为上帝嘅应许永不落空。

我哋都会睇吓，哈米吉多顿大战之后，有乜嘢振奋人心嘅王国应许将会实现。将来，我哋会亲眼目睹上帝王国嘅统治遍及全球，更新一切。到时，我哋会几咁开心啊！