伊利莎白·福特呢个忠心嘅姊妹都住喺坎特。佢靠同人做衫嚟维持生活。由于佢手工精细，连医生、教师呢啲专业人士都揾佢做衫。伊利莎白有个客人叫阿克萨迈·苏丹阿利耶娃，佢先生系检察院嘅一个官员。有一日阿克萨迈嚟揾伊利莎白做衫，倾开计嘅时候，佢问咗伊利莎白好多问题，关于人生意义同人死后嘅情况。伊利莎白用圣经回答咗佢所有问题。后来，阿克萨迈亦都热心向人传讲圣经嘅好消息。