大约喺呢个时候，嚟自摩尔多瓦嘅尼古拉·坎波耶什被委派做分区监督，一做就做咗差唔多30年。尼古拉除咗探访会众之外，仲要安排书刊嘅印制同分派工作。结果，当局开始留意佢。所以，爱德华·瓦尔特就鼓励尼古拉话：“如果国安会嘅人审问你，你就望实佢，直接话俾佢哋知，我哋嘅刊物系布鲁克林总部提供嘅。你唔使惊佢哋㗎。”（马太福音10:19）

之后冇几耐，国安会真系传召尼古拉去佢哋喺坎特嘅总部。佢描述跟住落嚟发生嘅事，话：“国安会嘅人问我，啲书刊系点嚟嘅。我话俾佢知，系从布鲁克林嚟嘅。佢见我咁坦白，都唔知点回应好。佢只系叫我离开，之后就再冇传召过我。”