耶和华同耶稣好想将我哋所爱嘅人复活，等我哋嚟睇吓一个记载。耶稣喺地上嘅时候经常探望拉撒路、马大同马利亚。呢三姐弟都系耶稣嘅好朋友。圣经话：“耶稣爱马大同佢嘅妹妹，亦都爱拉撒路。”不过，后来拉撒路死咗。（约翰福音11:3-5）

5,6．（甲）耶稣见到拉撒路嘅家人同朋友咁悲痛，佢有咩反应？（乙）点解知道耶稣对死亡嘅感受令人感到安慰？

⁵ 耶稣于是去安慰马大同马利亚。马大知道耶稣嚟紧，就出去城外见佢。马大见到耶稣，就同佢讲：“如果你早啲喺呢度，我嘅兄弟就唔会死嘞”。马大觉得耶稣嚟迟咗。之后，耶稣见到马大嘅妹妹马利亚悲伤痛哭，又见到在场嘅人咁难过，自己亦都伤心流泪。（约翰福音11:21,33,35）耶稣嘅反应表明，佢深切感受到我哋丧失至亲嘅悲痛。

⁶ 知道耶稣对人失去至亲好友嘅感受同我哋一样，令人好安慰。耶稣就好似佢天父一样，所以，我哋可以肯定耶和华同样感受到我哋嘅悲痛。（约翰福音14:9）耶和华唔单止有能力将死亡永远除去，而且佢好快就会噉做。

“拉撒路，出嚟！”

7,8．点解马大唔赞成移开拉撒路坟墓嘅石头？但系耶稣跟住点做？

⁷ 耶稣嚟到拉撒路嘅坟墓，坟墓入口用一块大石封住。耶稣吩咐人话：“你哋将石头移开”。不过马大唔赞成，因为拉撒路已经死咗四日。（约翰福音11:39）马大唔知道耶稣跟住会点样帮佢嘅弟弟。

⁸ 耶稣同拉撒路讲：“出嚟！”马大同马利亚跟住见到嘅事的确令人好震撼。“嗰个死咗嘅人就出嚟，手脚都用布巾包住”。（约翰福音11:43,44）拉撒路复活咗嘞！佢再次同亲友重聚，可以互相拥抱同交谈。耶稣复活拉撒路，实在系一个奇迹！

“小姑娘，我叫你起身！”

9,10．（甲）耶稣复活人嘅能力嚟自边个？（乙）点解圣经里面复活嘅记载对我哋咁有价值？

⁹ 耶稣系咪凭自己嘅能力复活死去嘅人？唔系。佢复活拉撒路之前先向耶和华祷告，耶和华就赐能力俾佢复活拉撒路。（请读约翰福音11:41,42）

11．关于拉撒路死后嘅情况，我哋从传道书9:5学到乜嘢？

¹¹ 圣经清楚指出：“死咗嘅人……毫无知觉”。拉撒路复活嘅记载可以证实呢一点。（传道书9:5）正如耶稣所讲，死去嘅拉撒路就好似瞓着咗噉。（约翰福音11:11）当拉撒路喺坟墓嘅时候，佢“毫无知觉”。

12．我哋点知道拉撒路复活呢件事真系发生过？

¹² 耶稣复活拉撒路嗰时，好多人都在场。甚至连耶稣嘅敌人都知道佢施行过呢个奇迹。复活咗嘅拉撒路有力噉证明复活真系发生过。（约翰福音11:47）后来，好多人去探望拉撒路，结果佢哋开始相信耶稣真系上帝派嚟嘅。虽然证据确凿，耶稣嘅敌人仲系要密谋杀死佢，连拉撒路都唔放过。（约翰福音11:53；12:9-11）