“全城入侵”

1943年，耶和华见证人挂住标语牌（三文治牌），宣传一个会喺墨西哥12个城市举行，主题为“自由嘅国家”嘅神治大会。a佢哋将标语牌挂喺膊头，身体嘅前后各有一块，睇起嚟就好似三文治噉。自从1936年以来，见证人就开始用呢种宣传方式作见证。

关于墨西哥城嘅标语牌游行，《民族》杂志话：“喺［大会］嘅第一日，［见证人］受到鼓励邀请更多人参加大会。结果第二日，会场就坐满晒人。”天主教会见到见证人嘅游行带嚟咁大嘅影响就好唔开心，于是发起攻击，对付见证人。即使受到反对，弟兄姊妹依然勇敢无惧，继续喺街上传道。《民族》又报道话：“全城人都见到佢哋……有男有女，个个都变成咗‘三文治’宣传牌。”文章仲刊登咗一张弟兄喺墨西哥城街上游行嘅相。呢张相下面有个说明，写住“全城入侵”。