• “下次大会系几时啊？”
    守望台2017年（研读版） | 8月

    • 喺呢件事发生之前，墨西哥嘅王国果实只有好少嘅收成。虽然从1919年开始，墨西哥都有举办小型大会，不过会众数目就一直喺度减少。1929年，喺墨西哥城设立咗分部办事处，为当地嘅属灵发展带嚟咗希望。但系，事情发展并唔顺利。当组织指示话传道工作唔应该涉及商业活动嗰时，一个派书者（而家叫先驱）对呢个调整好不满，于是离开组织，成立自己嘅圣经研究小组。同时，分社监督（而家叫分部监督）因为做咗啲违反圣经原则嘅事而被撤换。墨西哥忠贞嘅见证人真系好需要得到鼓励。

      喺探访期间，卢述福弟兄发表咗两个振奋人心嘅大会演讲，同五个有力嘅电台演讲，激励咗忠心嘅弟兄姊妹。呢个系墨西哥广播电台首次向全国播放王国嘅好消息。大会之后，新委任嘅分社监督将传道工作组织起嚟。热心嘅见证人得到耶和华嘅祝福，重新得力，向前迈进。

      参加1941年墨西哥城大会嘅耶和华见证人

      1941年墨西哥城嘅大会

      下一年，喺墨西哥全国，除咗墨西哥城嘅大会之外，喺韦拉克鲁斯又举办多一个大会。因为弟兄姊妹努力传道，田地开始有好嘅收成。1931年，墨西哥只有82个传道员。10年之后，传道员嘅数目就增加咗10倍！墨西哥城1941年神治大会嘅出席人数，就有成1000人。