20,21．罗埃尔同爱米莉嘅案件点样强化你嘅信心？

²⁰ 菲律宾 1990年，9岁嘅罗埃尔·恩布拉伦格g同10岁嘅姐姐爱米莉，仲有超过65个耶和华见证人儿童，因为唔肯向国旗敬礼而俾学校开除。佢哋嘅爸爸莱昂纳多尝试同校方解释，不过冇用。情况越来越差，于是莱昂纳多向最高法院上诉。但系，莱昂纳多冇钱请律师，成家人就向耶和华热切祷告，寻求佢嘅指引。喺嗰段日子，两个细路一直俾人嘲笑。莱昂纳多冇咩法律知识，所以佢觉得系冇可能打赢呢场官司嘅。

²¹ 后来，事情有转机，费利诺·加纳尔愿意代表呢家人出庭，佢曾经喺国内数一数二嘅律师事务所做律师。接呢单案件嗰时，加纳尔已经成为耶和华见证人，亦都冇喺以前间律师事务所度做。最高法院嘅法官一致裁定耶和华见证人胜诉，宣布学校下达嘅退学令无效。再一次，嗰啲试图迫上帝子民舍弃忠义嘅人又失败喇。