复兴时期

35． （甲）耶稣点解容许门徒经受磨难？（乙）耶稣点样帮助佢哋？

³⁵ 敌视真理嘅人根本唔知道，耶稣之所以容许门徒经受磨难，系因为耶和华要“好似炼净银子嘅人”噉样熬炼佢哋。（玛拉基书3:3）耶和华同耶稣深信，忠心嘅人一定经得起火一样嘅考验而得到炼净，可以更好噉为君王效劳。事实表明，从1919年初期开始，上帝嘅灵所成就嘅一切，系敌人点都谂唔到嘅。忠于上帝嘅人竟然“企起身”，好似翻生一样！（启示录11:11）

37． 1919年之后，有啲人做咗咩事表明佢哋叛离上帝嘅组织？

³⁷ 基督继续通过传道工作熬炼佢嘅仆人。对高傲自大嘅人嚟讲，传道系卑微嘅工作，有失身份。唔肯去传道嘅人最后就离开忠心嘅弟兄姊妹，大家各行各路。1919年之后，一啲叛离上帝组织嘅人心怀怨恨，不惜诽谤同埋中伤耶和华嘅忠仆，甚至同反对者联手迫害佢哋。