反叛事件发生2500几年之后，耶和华先至提到呢个仇敌系边个。（约伯记1:6）呢个仇敌被称为“撒但”，意思系“敌对者”。喺希伯来语经卷，只有历代志上、约伯记同撒迦利亚书提到呢个称谓。点解喺弥赛亚嚟到之前圣经好少谈及呢个仇敌？

³ 显然，耶和华唔想人过度关注撒但，所以喺希伯来语经卷冇用太多篇幅讨论同撒但有关嘅事。耶和华向人启示希伯来语经卷嘅主要目的系，帮助佢嘅子民认出并归向弥赛亚。（路加福音24:44；加拉太书3:24）目的达成之后，耶和华就通过耶稣同佢嘅门徒透露更多关于撒但同邪灵嘅事。b