乐园里面嘅生活系点样嘅呢？

耶和华赐俾亚当同夏娃好多福分。 创世记1:28

耶和华造咗第一个女人夏娃，将佢赐俾亚当做太太。（创世记2:21,22）

耶和华赐俾佢哋嘅头脑同身体都系十全十美，毫无缺陷嘅。

亚当同夏娃住喺伊甸园里面。伊甸园系一个好靓嘅乐园，嗰度有河，有各种各样嘅果树同动物。

佢哋仲可以同耶和华倾计，受耶和华教导。如果佢哋听上帝嘅话，就可以喺地上嘅乐园里面永远生活落去。

上帝话有一棵树嘅果唔可以食。 创世记2:16,17

耶和华话俾亚当夏娃知，伊甸园入面有棵特别嘅树，又吩咐佢哋唔好食上面嘅果，如果食咗就一定会死。

一个天使背叛上帝，呢个变坏嘅天使称为魔鬼撒但。

撒但唔想亚当同夏娃听上帝嘅话，就用一条蛇同夏娃讲，如果佢食咗呢棵树嘅果，唔单止唔会死，仲可以好似上帝噉。佢当然系讲大话啦。（创世记3:1-5）