王国嘅教育——培训君王手下嘅仆人

你面带笑容噉望住台上嘅讲者，流露出赞赏嘅眼神。呢个年轻嘅弟兄同你属于同一群会众，呢次系佢第一次喺大会担任节目。你好欣赏佢嘅演讲，内心自然会感叹，上帝子民受到嘅培训实在系太好嘞！你仲记得佢第一次喺台上嘅情形，同而家简直好似两个人噉。佢参加先驱训练班之后进步好大，最近仲同太太参加咗王国传福音者训练班。佢嘅演讲真系好精彩，你一边鼓掌，一边望住周围嘅听众，同时谂到上帝嘅所有子民都得到优良嘅教导。

圣经预告，上帝嘅子民都会“受耶和华教导”。（以赛亚书54:13）呢个预言今日正喺度应验。耶和华嘅组织除咗通过出版物，仲通过聚会同大会教导我哋。组织亦都设立咗各种训练班，帮助我哋履行组织交托嘅各项职务。呢一篇，我哋会睇吓呢啲教导点样充分表明上帝嘅王国正喺度施行统治。