读者来函

一个基督徒喺唔正当嘅情况下同一个异性一齐过夜，系咪会构成须要采取司法行动嘅罪行？

冇错，如果有充分嘅情况证据显示当事人有性不道德嘅行为，而冇可以减轻罪责嘅因由，就要根据情况证据成立司法委员会。（哥林多前书6:18）

长老团喺决定成立司法委员会之前，会认真衡量每一种情况。例如：呢两个人系咪拍紧拖？佢哋有冇因为两个人之间嘅行为而受过劝告？乜嘢情况导致佢哋要一齐过夜？佢哋系咪事先计划好嘅？佢哋系咪可以选择唔一齐过夜？系咪情有可原，例如遇到一啲无法预料嘅事，或者突然发生紧急事故导致佢哋不得不一齐过夜？（传道书9:11）佢哋一齐瞓抑或分开瞓？因为每种情况都唔一样，长老团可能仲要考虑其他相关嘅因素。

确认事实之后，长老团就会决定系咪要对当事人采取司法行动。