樂園裏面嘅生活係點樣嘅呢？

耶和華賜俾亞當同夏娃好多福分。 創世記1:28

耶和華造咗第一個女人夏娃，將佢賜俾亞當做太太。（創世記2:21,22）

耶和華賜俾佢哋嘅頭腦同身體都係十全十美，毫無缺陷嘅。

亞當同夏娃住喺伊甸園裏面。伊甸園係一個好靚嘅樂園，嗰度有河，有各種各樣嘅果樹同動物。

佢哋仲可以同耶和華傾計，受耶和華教導。如果佢哋聽上帝嘅話，就可以喺地上嘅樂園裏面永遠生活落去。

上帝話有一棵樹嘅果唔可以食。 創世記2:16,17

耶和華話俾亞當夏娃知，伊甸園入面有棵特别嘅樹，又吩咐佢哋唔好食上面嘅果，如果食咗就一定會死。

一個天使背叛上帝，呢個變壞嘅天使稱為魔鬼撒但。

撒但唔想亞當同夏娃聽上帝嘅話，就用一條蛇同夏娃講，如果佢食咗呢棵樹嘅果，唔單止唔會死，仲可以好似上帝噉。佢當然係講大話啦。（創世記3:1-5）