Primé libru de Crónicas

7 Gupa Isacar tapa xiiñiʼ: Tolá, Pua, Jasub ne Simrón. 2 Ca xiiñiʼ Tolá nga Uzí, Refayá, Jeriel, Jahmái, Ibsam ne Semuel, laacabe nga nácacabe xaíque familia neza bixhózecabe. Lade ca ni zeeda de familia stiʼ Tolá guyuu soldadu nadipaʼ, ca dxi cayuni mandar David bizaacabe veintidós mil xhoopaʼ gayuaa. 3 Ca ni zeeda de familia stiʼ* Uzí nga Izrahías ne ca xiiñiʼ Izrahías: Miguel, Abdías, Joel ne Isías. Biaʼsi gaayuʼ ne guirácabe gúcacabe xaíque. 4 Maca né laacabe, ne ca familia stícabe neza bixhózecabe guyuu treinta y seis mil soldadu lu ejércitu stícabe ni zanda cheʼ lu guerra, purtiʼ gúpacabe stale xheelacabe ne stale xiiñicabe. 5 Ne ca bíʼchicabe de guiráʼ familia stiʼ Isacar gúcacaʼ soldadu nadipaʼ. Maca né laacaʼ bizaacabe ochenta y siete mil, casi zeedani lu registru stiʼ ca familia stícabe.

6 Gupa Benjamín chonna xiiñiʼ: Bela, Béker ne Jediael. 7 Ne Bela gupa gaayuʼ xiiñiʼ: Ezbón, Uzí, Uziel, Jerimot ne Irí. Beeda gácacabe xaíque familia neza bixhózecabe, gúcacabe soldadu nadipaʼ, ne gúcacabe veintidós mil treinta y cuatro casi zeedani lu registru stiʼ ca familia. 8 Ne ca xiiñiʼ Béker nga Zemirá, Joás, Eliezer, Elioenái, Omrí, Jeremot, Abías, Anatot ne Alémet. Guirácabe nga ca xiiñiʼ Béker. 9 Casi zeedani lu registru stiʼ ca familia stícabe, lade ca xaíque familia neza bixhózecabe, nuu gande mil chupa gayuaa soldadu nadipaʼ. 10 Ne ca xiiñiʼ Jediael nga Bilhán ne ca xiiñiʼ Bilhán nga Jeús, Benjamín, Ehúd, Kenaaná, Zetán, Tarsis ne Ahisáhar. 11 Guirácabe nga xiiñiʼ Jediael, según ca xaíque stiʼ ca bixhozebiidacabe, biaʼsi diecisiete mil chupa gayuaa soldadu nadipaʼ ni nuu listu para chuʼ lu ejércitu ne cheʼ lu guerra.

12 Ca xiiñiʼ Ir nga ca supim ne ca hupim ne ca xiiñiʼ Aher nga ca husim.

13 Ca xiiñiʼ Neftalí nga Jahziel, Guní, Jézer ne Salum, ca xiiñiʼ Bilhá.

14 Ndiʼ nga ca xiiñiʼ Manasés: Asriel, ni gupanebe ti xheelabe* de Siria. (Laaca gupa gunaa riʼ Makir, bixhoze Galaad. 15 Ne biyubi Makir ti gunaa para guichaganáʼ Hupim ne ti gunaa para guichaganáʼ Supim, ne bizáʼnabe láʼ Maacá). Guiropa que láʼ Zelofehad, peru ca xiiñiʼ Zelofehad la? puru gunaa laacaʼ. 16 Maacá, xheelaʼ Makir, gupa ti xiiñiʼ ne gulee labe laa Peres; bíʼchibe láʼ Seres; ne ca xiiñibe nga Ulam ne Réquem. 17 Xiiñiʼ* Ulam nga Bedán. Laacabe nga ca xiiñiʼ Galaad, xiiñiʼ Makir, xiiñiʼ Manasés. 18 Ne bizáʼnabe nga Hamoléket. Ne laa guxana Isod, Abí-Ézer ne Mahlá. 19 Ne ca xiiñiʼ Semidá nga Ahián, Siquem, Liquí ne Aniam.

20 Xiiñiʼ Efraín nga Sutélah, xiiñiʼ Sutélah nga Bered, xiiñiʼ Bered nga Táhat, xiiñiʼ Táhat nga Eleadá, xiiñiʼ Eleadá nga Táhat, 21 xiiñiʼ Táhat nga Zabad, xiiñiʼ Zabad nga Sutélah. Efraín laaca gupa Ézer ne Elead. Biete ca hombre de Gat, ca ni gule ndaaniʼ guidxi que, para cuánacaʼ ca vaca ne ca dendxuʼ stiʼ ca xiiñiʼ Efraín ne biiticabe Ézer ne Elead.* 22 Stale dxi biinaʼ Efraín bixhózecabe pur laacabe ne maʼ zeʼ ca bíʼchibe zitixhedxí ladxidoʼbe. 23 Despué gutanebe xheelabe ne gucaxiiñiʼ gunaa que, ne gupa ti xiiñibe. Peru gulee labe baʼduhuiiniʼ que Berías* purtiʼ dxi guxana gunaa que cadiʼdiʼ familia stibe lu yuubaʼ. 24 Laaca xiiñidxaapabe* nga Seerá, gunaa riʼ nga bicuí Bet-Horón ni riaana xagueteʼ ne Bet-Horón ni nuu ra nasoo, ne Uzén-Seerá. 25 Laaca xiiñibe nga Réfah ne Résef,* xiiñiʼ Résef nga Télah, xiiñiʼ Télah nga Tahán, 26 xiiñiʼ Tahán nga Ladán, xiiñiʼ Ladán nga Amihud, xiiñiʼ Amihud nga Elisamá, 27 xiiñiʼ Elisamá nga Nun ne xiiñiʼ Nun nga Josué.*

28 Ca layú ne ca guidxihuiiniʼ stícabe nga Betel ne ca guidxihuiiniʼ nuu gaxha de laani, ne Naarán, ni nuu ladu rindani gubidxa, ne Guézer, ni nuu ladu riaaziʼ gubidxa, ne ca guidxihuiiniʼ nuu gaxha de laani, ne Siquem ne ca guidxihuiiniʼ nuu gaxha de laani, dede Ayyá* ne ca guidxihuiiniʼ nuu gaxha de laani; 29 ne cueʼ ra nuu ca ni zeeda de ca xiiñiʼ Manasés la? gucuaacabe Bet-Seán ne ca guidxihuiiniʼ nuu gaxha de laani, Taanac ne ca guidxihuiiniʼ nuu gaxha de laani, Meguidó ne ca guidxihuiiniʼ nuu gaxha de laani ne Dor ne ca guidxihuiiniʼ nuu gaxha de laani. Ndaaniʼ ca guidxi riʼ nga guleza ca ni zá de José, xiiñiʼ Israel.

30 Ca xiiñiʼ Aser nga Imná, Isvá, Isví ne Berías, ne bizáʼnacabe nga Sérah. 31 Ca xiiñiʼ Berías nga Héber ne Malkiel, bixhoze Birzayit. 32 Héber nga bixhoze Jaflet, Somer ne Hotam, ne bixhoze Súa, bizáʼnacabe. 33 Ca xiiñiʼ Jaflet nga Pasac, Bimhal ne Asvat. Laacabe nga ca xiiñiʼ Jaflet. 34 Ca xiiñiʼ Sémer* nga Ahí, Rohgá, Jehubá ne Aram. 35 Ca xiiñiʼ bíʼchibe Hélem* nga Zofá, Imná, Seles ne Amal. 36 Ca xiiñiʼ Zofá nga Súaj, Harnéfer, Sual, Berí, Imrá, 37 Bézer, Hod, Samá, Silsá, Itrán ne Beerá. 38 Ca xiiñiʼ Jéter nga Jefuné, Pispá ne Ará. 39 Ca xiiñiʼ Ulá nga Ará, Haniel ne Rizía. 40 Guirácabe nga ca xiiñiʼ Aser, gúcacabe xaíque familia neza bixhózecabe, gúcacabe soldadu nadipaʼ, ni bibí, xaíque stiʼ ca xaíque stiʼ ejércitu; casi zeedani lu registru stiʼ ca familia stícabe, gúcacabe veintiséis mil soldadu ni nuu listu para cheʼ lu guerra.