Primé libru de Crónicas
3 Ndiʼ nga ca xiiñiʼ David ni gúpabe ndaaniʼ guidxi Hebrón: baʼduʼ primé stibe nga Amnón, ne jñaa Amnón nga Ahinoam de guidxi Jezreel; guiropa xiiñibe nga Daniel, ne jñaa Daniel nga Abigaíl de guidxi Carmelo; 2 guionna xiiñibe nga Absalón, xiiñiʼ Maacá, xiiñidxaapaʼ Talmái, rey stiʼ Guesur; guidapa xiiñibe nga Adonías, xiiñiʼ Haguit; 3 de raqué gúpabe Sefatías, ne jñaa Sefatías nga Abital, raqué bizaa gaayuʼ xiiñibe; de raqué gúpabe Itream, xiiñibe ni gupanebe xheelabe Eglá. 4 Laacabe nga xiiñiʼ David ni gupa ndaaniʼ guidxi Hebrón, biaʼsi xhoopaʼ; raqué biʼniʼ mandarbe gadxe iza ne xhoopaʼ beeu, ne ndaaniʼ guidxi Jerusalén biʼniʼ mandarbe 33 iza.
5 Ndiʼ nga ca xiiñibe ni gúpabe Jerusalén: Simeá, Sobab, Natán ne Salomón. Jñaa guidapaʼ xiiñibe riʼ nga Bat-Seba, xiiñiʼ Amiel. 6 Ne gúpabe xcaadxi xiiñibe: Ibhar, Elisamá, Elifélet, 7 Noga, Néfeg, Jafía, 8 Elisamá, Eliadá ne Elifélet, biaʼsi gaʼ. 9 Guirácabe nga ca xiiñiʼ David aparte de xcaadxi xiiñibe ni gupanebe xcaadxi xheelabe.* Tamar nga bizaʼnaʼ ca xiiñibe.
10 Xiiñiʼ Salomón nga Rehoboam, bixhoze Abías, bixhoze Asá, bixhoze Jehosafat, 11 bixhoze Jehoram, bixhoze Ocozías, bixhoze Jehoás, 12 bixhoze Amasías, bixhoze Azarías, bixhoze Jotán, 13 bixhoze Acaz, bixhoze Ezequías, bixhoze Manasés, 14 bixhoze Amón, bixhoze Josías. 15 Ca xiiñiʼ Josías nga Johanán, baʼduʼ primé stibe, guiropa xiiñibe nga Jehoiaquim, guionna xiiñibe nga Sedequías ne guidapa xiiñibe nga Salum. 16 Xiiñiʼ Jehoiaquim nga Jeconías ne xniétube nga Sedequías. 17 Ca xiiñiʼ Jeconías ni gunaazecabe que nga Sealtiel, 18 Malkiram, Pedaya, Senazar, Jecamías, Hosamá ne Nedabías. 19 Ca xiiñiʼ Pedaya nga Zorobabel ne Simeí; ca xiiñiʼ Zorobabel nga Mesulam ne Hananías (ne Selomit nga bizáʼnacabe); 20 xcaadxi xiiñibe ni gúpabe nga Hasubá, Ohel, Berekías, Hasadías ne Jusab-Hésed, biaʼsi gaayuʼ. 21 Ne ca xiiñiʼ Hananías nga Pelatías ne Jesayá; xiiñiʼ* Jesayá nga Refayá; xiiñiʼ* Refayá nga Arnán; xiiñiʼ* Arnán nga Abdías; xiiñiʼ* Abdías nga Secanías, 22 ne ca xiiñiʼ Secanías nga Semaya ne ca xiiñiʼ Semaya: Hatús, Igal, Barías, Nearías ne Safat, biaʼsi xhoopaʼ xiiñibe. 23 Nearías la? gupa chonna xiiñiʼ: Elioenái, Hizquías ne Azricam. 24 Ne Elioenái gupa gadxe xiiñiʼ: Hodavías, Eliasib, Pelayá, Acub, Johanán, Delayá ne Ananí.