Primé libru de Crónicas
2 Ndiʼ nga ca xiiñiʼ Israel: Rubén, Simeón, Leví, Judá, Isacar, Zabulón 2 Dan, José, Benjamín, Neftalí, Gad ne Aser.
3 Ca xiiñiʼ Judá nga Er, Onán ne Selá. Ndiʼ nga guionnaʼ xiiñibe ni gupanebe xiiñidxaapaʼ Súa, ti gunaa de Canaán. Peru qué ñuulaʼdxiʼ Jehová xpiaʼ Er, baʼduʼ primé stiʼ Judá, ngue runi biitibe laa. 4 Gupané Judá Tamar, xuaalidxi, chupa xiiñiʼ, Pérez ne Zérah. Biaʼsi gaayuʼ xiiñiʼ Judá.
5 Ca xiiñiʼ Pérez nga Hezrón ne Hamul.
6 Ca xiiñiʼ Zérah nga Zimrí, Etán, Hemán, Calcol ne Dará. Biaʼsi gaayuʼ xiiñibe.
7 Xiiñiʼ* Carmí nga Acar,* ni beedané guendanagana ndaaniʼ guidxi Israel dxi biaananebe caadxi cosa ni bireechú para guinitilú.
8 Xiiñiʼ* Etán nga Azarías.
9 Ca xiiñiʼ Hezrón nga Jerahmeel, Ram ne Kelubái.*
10 Ram nga bixhoze Aminadab. Aminadab nga bixhoze Nahsón, xaíque stiʼ ca ni zeeda de ca xiiñiʼ Judá. 11 Nahsón nga bixhoze Salmá. Salmá nga bixhoze Boaz. 12 Boaz nga bixhoze Obed. Obed nga bixhoze Jesé. 13 Jesé nga bixhoze Eliab, primé xiiñibe, guiropa xiiñibe nga Abinadab, guionna xiiñibe nga Simeá, 14 guidapa xiiñibe nga Netanel, despué gúpabe Radái, 15 de racá maʼ nanda Ozem, de raqué maʼ nanda David, raqué bizaacabe gadxe. 16 Bizáʼnacabe nga Zeruyá ne Abigaíl. Gupa Zeruyá chonna xiiñiʼ: Abisái, Joab ne Asahel. 17 Gupa Abigaíl ti xiiñiʼ láʼ Amasá, ne bixhoze Amasá nga Jéter, ti ismaelita.
18 Caleb* xiiñiʼ Hezrón la? gúpabe xiiñibe né xheelabe Azubá né Jeriot; ndiʼ nga ca xiiñibe ni gupanebe laa:* Jéser, Sobab ne Ardón. 19 Guti si Azubá, bichaganáʼ Caleb Efrat, ne gúpacabe Hur. 20 Hur nga bixhoze Urí. Urí nga bixhoze Bezalel.
21 Despué, gutané Hezrón xiiñidxaapaʼ Makir, bixhoze Galaad. Nápabe 60 iza dxi bichaganabe laa, ne gúpacabe Segub. 22 Segub nga bixhoze Jaír, laabe nga gúpabe 23 guidxi lu layú stiʼ Galaad. 23 Despué, guxha Guesur ne Siria laacabe Havot-Jaír maca né Quenat ne ca guidxihuiiniʼ stícani,* biaʼsi 60 guidxi. Guirácabe zeedacabe de Makir, bixhoze Galaad.
24 Guti si Hezrón ndaaniʼ guidxi Caleb-Efrata, gupa xheelabe Abías Asjur, bixhoze Tecoa.*
25 Ca xiiñiʼ Jerahmeel, baʼduʼ primé stiʼ Hezrón, nga Ram, laa nga gule primé, ne déchebe nanda Buná, Orén, Ozem ne Ahíya. 26 Gupa Jerahmeel sti xheelaʼ láʼ Atará. Laabe nga jñaa Onam. 27 Ca xiiñiʼ Ram, baʼduʼ primé stiʼ Jerahmeel, nga Maaz, Jamín ne Équer. 28 Ca xiiñiʼ Onam nga Samái ne Jadá. Ca xiiñiʼ Samái nga Nadab ne Abisur. 29 Xheelaʼ Abisur láʼ Abihail, ne gúpacabe Ahbán ne Molid. 30 Ca xiiñiʼ Nadab nga Séled ne Apaim. Peru guti Séled ne qué ñapa xiiñiʼ. 31 Xiiñiʼ* Apaim nga Isí, xiiñiʼ* Isí nga Sesán ne xiiñiʼ* Sesán nga Ahlái. 32 Ca xiiñiʼ Jadá, biʼchiʼ Samái, nga Jéter ne Jonatán. Peru guti Jéter ne qué ñapa xiiñiʼ. 33 Ca xiiñiʼ Jonatán nga Pélez ne Zazá. Guirácabe nga ca ni zeeda de ca xiiñiʼ Jerahmeel.
34 Qué ñapa Sesán xiiñiʼ hombre, puru gunaa ca xiiñibe. Peru gupa Sesán ti mozo de Egipto láʼ Jarhá. 35 Para bidii Sesán laabe xiiñidxaapaʼ para guichaganabe laa, ne gúpacabe Atái. 36 Atái nga bixhoze Natán. Natán nga bixhoze Zabad. 37 Zabad nga bixhoze Eflal. Eflal nga bixhoze Obed. 38 Obed nga bixhoze Jehú. Jehú nga bixhoze Azarías. 39 Azarías nga bixhoze Hélez. Hélez nga bixhoze Eleasá. 40 Eleasá nga bixhoze Sismái. Sismái nga bixhoze Salum. 41 Salum nga bixhoze Jecamías. Jecamías nga bixhoze Elisamá.
42 Ca xiiñiʼ Caleb,* biʼchiʼ Jerahmeel, nga Mesá, baʼduʼ primé stibe —bixhoze Zif—, ne ca xiiñiʼ Maresá, bixhoze Hebrón. 43 Ca xiiñiʼ Hebrón nga Coré, Tapúah, Réquem ne Sema. 44 Sema nga bixhoze Raham, bixhoze Jorqueam. Réquem nga bixhoze Samái. 45 Xiiñiʼ Samái nga Maón. Maón nga bixhoze Bet-Zur. 46 Efá, sti xheelaʼ Caleb, gupa Harán, Mozá ne Gazez. Harán nga bixhoze Gazez. 47 Ca xiiñiʼ Jahdái nga Réguem, Jotán, Guesán, Pélet, Efá ne Sáaf. 48 Maacá, sti xheelaʼ Caleb, gupa Séber ne Tirhaná. 49 Gudiʼdiʼ si tiempu, gúpabe Sáaf, bixhoze Madmaná, ne Sevá, bixhoze Macbená ne Guibeá. Xiiñiʼ Caleb nga Acsá. 50 Guirácabe nga ca ni zeeda de ca xiiñiʼ Caleb.
Ca xiiñiʼ Hur, baʼduʼ primé stiʼ Efrata, nga Sobal —bixhoze Quiryat-Jearim—, 51 Salmá —bixhoze Belén— ne Haref, bixhoze Bet-Gader, 52 Ca xiiñiʼ Sobal, bixhoze Quiryat-Jearim, nga Haroé ne galaa de ca menuhot. 53 Ca familia stiʼ Quiryat-Jearim nga ca itrita, ca putíe, ca sumatita ne ca misraíta. De laacabe nga biree ca zoratita ne ca estaolita. 54 Ca xiiñiʼ Salmá nga Belén, ca netofatita, Atrot-Bet-Joab, galaa de ca manahatita ne ca zorita. 55 Ca familia stiʼ ca escriba ni guleza Jabez nga ca tirateu, ca simeateu ne ca sucateu. Laacabe nga ca quenita ni beeda de Hammat, bixhoze ca familia stiʼ Recab.