Primé libru de Crónicas

9 Cada israelita gucuá lá* lu ti registru lade ca familia stiʼ, ne cá lácabe* lu Libru stiʼ ca Rey stiʼ Israel. Ne yenécabe ca binni de Judá Babilonia purtiʼ bisaanacaʼ Dios sticaʼ. 2 Ca primé binni biguetaʼ lu ca layú sticaʼ ndaaniʼ xquídxicaʼ nga caadxi israelita, ca sacerdote, ca levita ne ca ni runi dxiiñaʼ ra templu.* 3 Ne caadxi de ca ni zeeda de tribu stiʼ Judá, Benjamín, Efraín ne Manasés biaanacaʼ Jerusalén. 4 Utái, xiiñiʼ Amihud, xiiñiʼ Omrí, xiiñiʼ Imrí, xiiñiʼ Baní, ca ni zeeda de ca xiiñiʼ Pérez xiiñiʼ Judá. 5 De ca familia stiʼ ca silonita la? Asaya, baʼduʼ primé, ne ca xiiñiʼ. 6 De ca xiiñiʼ Zérah la? Jeuel ne xhoopaʼ gayuaa noventa de ca bíʼchicabe.

7 De ca ni zeeda de tribu stiʼ Benjamín la? Salú —xiiñiʼ Mesulam, xiiñiʼ Hodavías, xiiñiʼ Hasenuá—, 8 Ibneyá xiiñiʼ Jeroham, Elá —xiiñiʼ Uzí, xiiñiʼ Micrí—, ne Mesulam —xiiñiʼ Sefatías, xiiñiʼ Reuel, xiiñiʼ Ibniya—. 9 Ne ca bíʼchicabe ni zeeda de ca familia stícabe biaʼsi bizaacabe gaʼ gayuaa cincuenta y seis. Guiráʼ ca hombre riʼ gúcacaʼ xaíque stiʼ ca familia sticaʼ neza bixhózecaʼ.

10 Ne lade ca sacerdote que nuu Jedayá, Jehoiarib, Jakín, 11 Azarías —xiiñiʼ Hilquías, xiiñiʼ Mesulam, xiiñiʼ Sadoc, xiiñiʼ Merayot, xiiñiʼ Ahitub, ti hombre ni naca xaíque ra lidxi* Dios ni dxandíʼ—, 12 Adaya —xiiñiʼ Jeroham, xiiñiʼ Pasjur, xiiñiʼ Malkiya—, Maasái —xiiñiʼ Adiel, xiiñiʼ Jahzerá, xiiñiʼ Mesulam, xiiñiʼ Mesilemit, xiiñiʼ Imer—, 13 ne ca bíʼchicabe, ni naca xaíque familia neza bixhózecabe, biaʼsi ti mil gadxe gayuaa sesenta hombre nadxibalú ne de confianza ni nuu dispuestu para guni dxiiñaʼ ra lidxi Dios ni dxandíʼ.

14 Ne de ca levita la? Semaya —xiiñiʼ Hasub, xiiñiʼ Azricam, xiiñiʼ Hasabías—, ni zeeda de ca xiiñiʼ Merarí; 15 ne Bacbacar, Héresh, Galal, Matanías —xiiñiʼ Micá, xiiñiʼ Zicrí, xiiñiʼ Asaf—, 16 Abdías —xiiñiʼ Semaya, xiiñiʼ Galal, xiiñiʼ Jedutún—, ne Berekías, xiiñiʼ Asá, xiiñiʼ Elcaná, ni nabeza ndaaniʼ tobi de ca guidxihuiiniʼ stiʼ ca netofatita.

17 Ca ni rapa ra puertaʼ que nga Salum, Acub, Talmón ne Ahimán, ne bíʼchicabe Salum nga xaíque stícabe, 18 ne para tiempu que ráparube ra puertaʼ lidxi rey que, ni riaana ladu rindani gubidxa. Laacabe nga ca ni rapa ra puertaʼ campamentu stiʼ ca levita. 19 Ne Salum, xiiñiʼ Coré, xiiñiʼ Ebiasaf, xiiñiʼ Coré, ne ca bíʼchibe neza familia stiʼ bixhózebe, ca coreíta,* lu nácabe nga biaana dxiiñaʼ ni runi ca ni rapa ra puertaʼ stiʼ templu que, ne bixhózecabe nga ca ni gupa ra entrada campamentu stiʼ Jehová. 20 Dxiqué la? Finehás xiiñiʼ Eleazar nga guca xaíque stícabe ne qué nixeleʼ Jehová de laabe. 21 Ne Zacarías xiiñiʼ Meselemías nga gupaʼ ra entrada stiʼ yoo ra raca reunión.

22 Biaʼsi chupa gayuaa doce binni nga gulícabe para gapaʼ ca entrada que. Gulézacabe ndaaniʼ ca guidxihuiiniʼ stícabe, ra nabeza ca xfamíliacabe. Ne ca ni gulí laacabe para guicaacabe ca dxiiñaʼ riʼ nga David ne Samuel, hombre ni riene visión stiʼ Dios,* purtiʼ nácacabe hombre de confianza. 23 Laacabe ne ca xiiñicabe nga biaana lu nácabe gápacabe ca puertaʼ ni nuu ra lidxi Jehová, ni guca ti yoo de lari dxiqué. 24 Guidapaʼ ladu bizuhuaa ca hombre que para gapaʼ cani: ladu rindani gubidxa, ladu riaaziʼ gubidxa, ladu guiaʼ ne ladu gueteʼ. 25 Gatigá riree ca bíʼchicabe de ndaaniʼ xquídxicaʼ purtiʼ naquiiñeʼ checaʼ chigacanecaʼ laacabe gadxe gubidxa. 26 Guyuu tapa xaíque stiʼ ca ni rapa ra puertaʼ que, ne gúpacabe ca cuartu que ne ca cuartu ra riaapaʼ tesoro ni nuu ndaaniʼ lidxi Dios ni dxandíʼ. Levita laacabe ne gucuaacabe dxiiñaʼ riʼ purtiʼ nácacabe hombre de confianza. 27 Guidubi gueelaʼ ruzuhuaacabe guidubi vuelta lidxi Dios ni dxandíʼ lugar ra guca caber laacabe, purtiʼ lu nácabe nga biaana gápacabe ni, laacabe nga canacaacabe llave que ne guiráʼ siadóʼ ruxhélecabe yoo que.

28 Chupa chonna de laacabe biaana lu nácabe gúʼyacabe ca herramienta ni riquiiñeʼ ndaanini; rugábacabe cani cada biaje guedanécabe cani ne cada biaje cueecabe cani. 29 Xcaadxi de laacabe biaana lu nácabe ca herramienta, guiráʼ ca herramienta ni riquiiñeʼ ra lidxi Dios, harina de ni jma galán, vinu, aceite, olíbano ne aceite rindáʼ naxhi.* 30 Caadxi de ca xiiñiʼ ca sacerdote que biʼniʼ prepararcaʼ ti aceite ni runinécabe aceite rindáʼ naxhi. 31 Ne ni ruuyaʼ guiráʼ ca cosa ni raʼguiʼ ndaaniʼ ca sartén que nga Matitías, ti levita, baʼduʼ primé stiʼ Salum, coreíta que, purtiʼ nácabe ti hombre de confianza. 32 Ne caadxi de ca bíʼchicabe, ca cohatita, que nga runi ca pan ni raʼtaʼ pur capa* para iquiiñeʼ guiráʼ sábadu.

33 Ndiʼ nga ca ni ruundaʼ, ca xaíque familia neza bixhoze ca levita, ne ndaaniʼ ca cuartu que nga riuucabe, ne qué nicaacabe ninruʼ sti dxiiñaʼ; purtiʼ naquiiñeʼ guni tendércabe dxiiñaʼ gucuaacabe que ridxíʼ ne huaxhinni. 34 Laacabe nga ca xaíque familia neza bixhoze ca levita casi zeedani lu registru stícabe; gúcacabe xaíque ne gulézacabe Jerusalén.

35 Jeiel, bixhoze Gabaón la? guleza ndaaniʼ guidxi Gabaón. Xheelabe nga Maacá. 36 Primé xiiñibe nga Abdón, despué gúpabe Zur, Quis, Baal, Ner, Nadab, 37 Guedor, Ahió, Zacarías ne Miclot. 38 Miclot nga bixhoze Simeam. Guirácabe gulézacabe gaxha de ca bíʼchicabe ndaaniʼ guidxi Jerusalén, gaxha de xcaadxi bíʼchicabe. 39 Ner nga bixhoze Quis; Quis nga bixhoze Saúl; Saúl nga bixhoze Jonatán, Malki-Súa, Abinadab ne Esbaal. 40 Ne xiiñiʼ Jonatán nga Merib-Baal. Merib-Baal nga bixhoze Miqueas. 41 Ne ca xiiñiʼ Miqueas nga Pitón, Mélec, Tahrea ne Acaz. 42 Acaz nga bixhoze Jará; Jará nga bixhoze Alémet, Azmávet ne Zimrí. Zimrí nga bixhoze Mozá. 43 Mozá nga bixhoze Bineá, xiiñiʼ Bineá nga Refayá, xiiñiʼ Refayá nga Eleasá, xiiñiʼ Eleasá nga Azel. 44 Gupa Azel xhoopaʼ xiiñiʼ, ne laacabe nga Azricam, Bocrú, Ismael, Searías, Abdías ne Hanán. Laacabe nga ca xiiñiʼ Azel.