Primé libru de Crónicas

4 Ca xiiñiʼ Judá nga Pérez, Hezrón, Carmí, Hur ne Sobal. 2 Reayá xiiñiʼ Sobal nga bixhoze Jáhat; Jáhat nga bixhoze Ahumái ne Lahad. Laacabe nga ca familia stiʼ ca zoratita. 3 Ndiʼ nga ca xiiñiʼ bixhoze Etam: Jezreel, Ismá ne Idbás (ne bizáʼnacabe nga Hazelelponí), 4 ne Penuel nga bixhoze Guedor, ne Ézer nga bixhoze Husá. Laacabe nga ca xiiñiʼ Hur, primé xiiñiʼ Efrata ne laabe nga bixhoze Belén. 5 Gupa Asjur, bixhoze Tecoa, chupa xheelaʼ: Helá ne Naará. 6 Gupané Naará laabe Ahuzam, Héfer, Temení ne Haahastarí. Laacabe nga ca xiiñiʼ Naará. 7 Ne ca xiiñiʼ Helá nga Zéret, Izhar ne Etnán. 8 Coz nga bixhoze Anub, Zobebá ne ca familia stiʼ Aharhel xiiñiʼ Harum.

9 Jabez* nga ni jma risaca lade ca biʼchiʼ; ne gulee lá jñaabe laabe Jabez, purtiʼ guníʼ: «Naná guxanaʼ laabe». 10 Para biʼniʼ orar Jabez Dios stiʼ Israel ne ná rabi laabe: «Canabaʼ lii cuʼluʼ ndaayaʼ naa ne gudiiluʼ lugar gapaʼ jma layú. Canabaʼ lii cadi gusaanaluʼ naa ne cadi gudiiluʼ lugar gueeda xiixa guendananá luguiaʼyaʼ para cadi guizaacaʼ xiixa cosa malu». Ngue runi bidii Dios laabe ni gunábabe laa.

11 Kelub, biʼchiʼ Suha, laabe nga bixhoze Mehir, ne Mehir nga bixhoze Estón. 12 Ne Estón nga bixhoze Bet-Rafá, Paséah ne Tehiná, bixhoze Ir-Nahás. Laacabe nga ca hombre de Recá. 13 Ca xiiñiʼ Quenaz nga Otniel ne Seraya, ne xiiñiʼ* Otniel nga Hatat. 14 Meonotái nga bixhoze Ofrá. Seraya nga bixhoze Joab, bixhoze Gue-Harasim,* zacá biree labe* purtiʼ artesanu laacabe raqué.

15 Ca xiiñiʼ Caleb, xiiñiʼ Jefuné, nga Iru, Elá ne Naam; ne xiiñiʼ* Elá nga Quenaz. 16 Ca xiiñiʼ Jehalelel nga Zif, Zifá, Tiría ne Asarel. 17 Ca xiiñiʼ Ezrá nga Jéter, Méred, Éfer ne Jalón; gucaxiiñibe* ne guxánabe Míriam, Samái ne Isbá, bixhoze Estemoa. 18 (Ne gunaa judía, xheelabe que, gupa Jéred bixhoze Guedor, ne Héber bixhoze Socó ne Jecutiel bixhoze Zanóah). Laacabe nga ca xiiñiʼ Bitías, xiiñiʼ faraón, ni bichaganáʼ Méred.

19 Gupa xheelaʼ Hodías, bizaʼnaʼ Náham, xiiñiʼ, ne xiiñiʼ ca xiiñibe nga Queilá garmita que ne Estemoa maacatita que. 20 Ne ca xiiñiʼ Shimón nga Amnón, Riná, Ben-Hanán ne Tilón. Ne ca xiiñiʼ Isí nga Zóhet ne Ben-Zóhet.

21 Ca xiiñiʼ Selá, xiiñiʼ Judá, nga Er, bixhoze Lecá, ne Laadá, bixhoze Maresá, ne ca familia stiʼ ca ni ruzáʼ lari de ni jma galán, ca ni zeeda de familia stiʼ Asbea, 22 ne Joquim, ca hombre de Cozebá, Joás ne Saraf, ca ni bichaganáʼ ca gunaa de Moab, ne Jasubí-Léhem. Biree ca lá riʼ de lu caadxi registru nayooxhoʼ. 23 Gúcacabe binni ni bizáʼ guisu ne gulézacabe Netaim ne Guederá. Gulézacabe raqué ne bíʼnicabe dxiiñaʼ para rey que.

24 Ca xiiñiʼ* Simeón nga Nemuel, Jamín, Jarib, Zérah ne Shaúl. 25 Xiiñiʼ Shaúl nga Salum, xiiñiʼ Salum nga Mibsam, ne xiiñiʼ Mibsam nga Mismá. 26 Xiiñiʼ Mismá nga Hamuel, xiiñiʼ Hamuel nga Zacur ne xiiñiʼ Zacur nga Simeí. 27 Ne Simeí gupa 16 xiiñiʼ hombre ne xhoopaʼ xiiñiʼ gunaa; peru ca bíʼchibe qué ñápacaʼ stale xiiñicaʼ, nin tobi de ca familia stibe qué ñápacaʼ xiiñicaʼ casi ca hombre de Judá. 28 Gulézacabe Beer-Seba, Moladá, Hazar-Sual, 29 Bilhá, Ézem, Tolad, 30 Betuel, Hormá, Ziclag, 31 Bet-Marcabot, Hazar-Susim, Bet-Birí ne Saaraim. Nga nga ca guidxi gúpacabe hasta ca dxi biʼniʼ mandar rey David.

32 Laaca gulézacabe Etam, Ain, Rimón, Token ne Asán, biaʼsi gaayuʼ guidxi, 33 aparte de ca guidxihuiiniʼ ni nuu gaxha de ca guidxi riʼ hasta Baal. Ndiʼ nga ca registru stiʼ ca familia stícabe ne ca lugar ra gulézacabe. 34 Ne Mesobab, Jamlec, Josá xiiñiʼ Amasías, 35 Joel, Jehú —xiiñiʼ Josibías, xiiñiʼ Seraya, xiiñiʼ Asiel—, 36 Elioenái, Jaacoba, Jesohaya, Asaya, Adiel, Jesimiel, Benaya 37 ne Zizá —xiiñiʼ Sifí, xiiñiʼ Alón, xiiñiʼ Jedayá, xiiñiʼ Simrí, xiiñiʼ Semaya—; 38 Ca ni biete lá raríʼ nga ca ni naca xaíque stiʼ ca familia sticaʼ ne bidale ca familia stiʼ ca bixhozebiidacabe.* 39 Ne guyécabe entrada stiʼ Guedor, ladu rindani gubidxa de valle que para chiyúbicabe guixi nagáʼ para ca maniʼ stícabe. 40 Ne biyúbicabe dede ra bidxélacabe ra nuu stale guixi nagáʼ ne galán, naroʼbaʼ layú que, nabé tranquilu raqué ne nuu stale guendariuudxí. Ca ni guleza raqué nga ca binni ni zeeda de neza familia stiʼ Cam. 41 Ca ni riete lá lu lista riʼ nga ca ni beeda ca dxi cayuni mandar Ezequías, rey stiʼ Judá, ne binitilucaʼ ca yoo de lari stiʼ ca binni ni zeeda de neza familia stiʼ Cam ne stiʼ ca meunim ni nuu raqué. Biiticabe laacaʼ ne qué ñaana gastiʼ sticaʼ raqué dede yanna; biaanacabe lugar ra guyuucaʼ purtiʼ raqué nuu guixi nagáʼ para ca maniʼ stícabe.

42 Ne caadxi simeonita, biaʼsi gaayu gayuaa hombre, guyecaʼ lu dani Seír. Ne ca xaíque stícabe nga Pelatías, Nearías, Refayá ne Uziel, ca xiiñiʼ Isí. 43 Binduuxecabe xcaadxi amalequita ni bixoñelú, ne laacabe nabézacabe raqué dede yanna.