Primé libru de Crónicas

25 Laaca guleechú David ne ca xaíque stiʼ ca grupu que caadxi xiiñiʼ Asaf, Hemán ne Jedutún para gusisácacaʼ Dios* né arpa né instrumentu ni napa cuerda né címbalo.* Ndiʼ nga lista ra zeeda lá ca hombre ni gulícabe para guni dxiiñaʼ riʼ: 2 Lade ca xiiñiʼ Asaf la? gulícabe: Zacur, José, Netanías ne Asarelá, Asaf nga xaíque stícabe, ruundaʼ Asaf canción ni caníʼ de Dios* ne rúnibe ni modo gudixhe rey que gácani; 3 de lade ca xiiñiʼ Jedutún la? gulícabe xhoopaʼ xiiñibe: Guedalías, Zerí, Jesayá, Simeí, Hasabías ne Matitías, ne Jedutún bixhózecabe nga naca xaíque stícabe, ruundabe* canción ni caníʼ de Jehová né arpa, rudiibe xquixe peʼ laa ne rusisácabe laa; 4 de lade ca xiiñiʼ Hemán la? gulícabe ca xiiñiʼ Hemán: Buquías, Matanías, Uziel, Sebuel, Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir ne Mahaziot. 5 Guirácabe nga ca xiiñiʼ Hemán, laabe nga rábibe rey que ca visión ni rudii Dios laabe, ne riniʼbe stale cosa para guisaca* Dios ni dxandíʼ; ne bidii Dios ni dxandíʼ Hemán 14 xiiñiʼ hombre ne chonna xiiñidxaapaʼ. 6 Guirácabe ruundacabe ra lidxi Jehová, ne bixhózecabe nga rabi laacabe ximodo gúnicabe ni, ruxhídxicabe címbalo, instrumentu ni napa cuerda ne arpa, nga nga dxiiñaʼ ni bíʼnicabe ra lidxi Dios ni dxandíʼ.

Asaf, Jedutún ne Hemán la? rey que nga rabi laacaʼ xi gúnicaʼ.

7 Laacabe ne ca bíʼchicabe, biaʼsi bizaacabe chupa gayuaa ochenta y ocho, biziidiʼ chaahuicabe gúʼndacabe para Jehová, ne guirácabe guizáʼ nánnacabe gúʼndacabe. 8 Ne bilaacabe suerte* para gánnacabe xi dxiiñaʼ chiguni cada tobi, gastiʼ naca pa nahuiiniʼ o maʼ huaniisi, pa nanna o pa deruʼ caziidiʼ.

9 Ora bilaacabe suerte,* primé que guca tocar ni José, xiiñiʼ Asaf; guiropa que Guedalías (laabe, ca bíʼchibe ne ca xiiñibe biaʼsi bizaacabe 12); 10 guionna que Zacur, ca xiiñibe ne ca bíʼchibe, biaʼsi bizaacabe 12; 11 guidapa que Izrí, ca xiiñibe ne ca bíʼchibe, biaʼsi bizaacabe 12; 12 gaayuʼ que Netanías, ca xiiñibe ne ca bíʼchibe, biaʼsi bizaacabe 12; 13 xhoopaʼ que Buquías, ca xiiñibe ne ca bíʼchibe, biaʼsi bizaacabe 12; 14 gadxe que Jesarela, ca xiiñibe ne ca bíʼchibe, biaʼsi bizaacabe 12; 15 xhono que Jesayá, ca xiiñibe ne ca bíʼchibe, biaʼsi bizaacabe 12; 16 gaʼ que Matanías, ca xiiñibe ne ca bíʼchibe, biaʼsi bizaacabe 12; 17 chii que Simeí, ca xiiñibe ne ca bíʼchibe, biaʼsi bizaacabe 12; 18 once que Azarel, ca xiiñibe ne ca bíʼchibe, biaʼsi bizaacabe 12; 19 doce que Hasabías, ca xiiñibe ne ca bíʼchibe, biaʼsi bizaacabe 12; 20 trece que Subael, ca xiiñibe ne ca bíʼchibe, biaʼsi bizaacabe 12; 21 catorce que Matitías, ca xiiñibe ne ca bíʼchibe, biaʼsi bizaacabe 12; 22 quince que Jeremot, ca xiiñibe ne ca bíʼchibe, biaʼsi bizaacabe 12; 23 dieciséis que Hananías, ca xiiñibe ne ca bíʼchibe, biaʼsi bizaacabe 12; 24 diecisiete que Josbecasa, ca xiiñibe ne ca bíʼchibe, biaʼsi bizaacabe 12; 25 dieciocho que Hananí, ca xiiñibe ne ca bíʼchibe, biaʼsi bizaacabe 12; 26 diecinueve que Malotí, ca xiiñibe ne ca bíʼchibe, biaʼsi bizaacabe 12; 27 gande que Eliatá, ca xiiñibe ne ca bíʼchibe, biaʼsi bizaacabe 12; 28 veintiuno que Hotir, ca xiiñibe ne ca bíʼchibe, biaʼsi bizaacabe 12; 29 veintidós que Guidaltí, ca xiiñibe ne ca bíʼchibe, biaʼsi bizaacabe 12; 30 veintitrés que Mahaziot, ca xiiñibe ne ca bíʼchibe, biaʼsi bizaacabe 12; 31 ne veinticuatro que Romamti-Ézer, ca xiiñibe ne ca bíʼchibe, biaʼsi bizaacabe 12.