Ti libru ni racané laanu neca maʼ xadxí de gucuá
Stale binni runi respetar Biblia purtiʼ nánnacaʼ nácani ti libru ni zeeda de Dios. Peru cadi de Dios si nga caníʼ Biblia, laaca nápani stale conseju ni zacané binni lu xquendanabani.
Guidúʼyanu ximodo huayacané ca conseju zeeda lu Biblia caadxi binni.
«Guizáʼ bichaani xquendanabaneʼ. Huayacaneni naa guiníʼ iqueʼ jneza ne guneʼ sentir galán. Yanna runeʼ sentir nuaaʼ jma nayecheʼ» (Fiona).
«Bichaa xquendanabaneʼ dxi bineʼ estudiar Biblia» (Gnitko).
«Jma galán nabaneʼ yanna, purtiʼ ribeeʼ jma tiempu para chuaaniáʼ familia stinneʼ que guneʼ dxiiñaʼ» (Andrew).
Casi ca binni ni bizéʼtenu riʼ, nuuruʼ stale binni ni maʼ bidii cuenta guizáʼ racané ca conseju ni zeeda lu Biblia laacaʼ.
¿Ximodo zanda gacané Biblia laanu para...
... chuʼnu nazaaca?
... guni controlarnu laanu?
... chuʼnu galán né familia stinu ne ca xhamígunu?
... gápanu xpuéltunu?
... chuʼnu gaxha de Dios?
Lu xcaadxi artículo ca zazíʼdinu naca Biblia ti libru ni zeeda de Dios ne zanda gacaneni laanu lu xquendanabáninu.