¡Biecheʼ de guendanabani ndaaniʼ Guidxilayú sin qué guiuu dxi gátiluʼ!
Guiʼchiʼ riʼ gucuani para gacaneni lii gannuʼ tu bizáʼ Guidxilayú ne guiráʼ xixé ni nuu luni. Zaziiduʼ de que Dios, ni bizáʼ Guidxilayú riʼ, nápabe ti labe. Raríʼ laaca zusiénedu lii xiñee bizáʼ Dios binni ne ximodo zanda guiécheluʼ de guendanabani ndaaniʼ Guidxilayú riʼ sin qué guiuu dxi gátiluʼ.
Rábidu zacané ca dibuju riʼ lii ti guiene chaahuiluʼ ca diidxaʼ riʼ. Peru para iquiiñeni lii jma la? naquiiñeʼ gúʼndaluʼ lu Biblia ca textu ni nuu cueʼ ca dibuju ca. Zacá lii si zanda gúʼndaluʼ cani na Dios chiguni casi zeeda lu Biblia, ne zannuʼ ximodo na Dios naquiiñeʼ guʼnuʼ para guʼyuʼ gaca guiráʼ ni nabe ca.
Zándaca iquiiñuʼ ni cá lu guiʼchiʼ riʼ para gacaneluʼ xcaadxi binni. Ne pa nápaluʼ xiiñuʼ la? zanda iquiiñuni para gacaneluʼ laacabe gunibiáʼcabe Dios. O pa neza ralidxuʼ nuu stale binni huaniisi ni qué ganna guiʼchiʼ la? zanda iquiiñuʼ ca dibuju riʼ para gacaneluʼ laacabe guiénecabe xi chiguni Dios, para maʼ laacabe, gacanécabe binni ni nabeza gaxha de ralídxicabe.
Ribézadu gacané guiráʼ ni cá lu guiʼchiʼ riʼ lii, ti ganda guicouʼ stale ndaayaʼ, ne gusiiduʼ stuudxi binni ximodo guibánicaʼ ndaaniʼ Guidxilayú riʼ sin qué guiuu dxi gáticaʼ.