Últimu yaza
A BINNI bibani lu Guidxilayú riʼ primé guyuucaʼ tobi si ne gúcacaʼ ti familia. Peru yanna riʼ nabé cudxiilú ca familia ca guendanagana. Stale de cani nahuiiniʼ rigúʼbacaʼ guixi ne ratanecaʼ sti binni sin guichaganacaʼ. Zeʼ dxi jma cayaca divorciar binni, ne nuu tu riguiñe o runiná xheelaʼ o ca xiiñiʼ. Laaca zidale binni ni cusiniisi xiiñiʼ stubi. Peru nuu xcaadxi guendanagana ni rucaa binni guiníʼ ique pa zándaruʼ guibani ca familia ca tobi si.
Ñee zándaruʼ guibani ca familia ca nayecheʼ ne gapasaacaʼ laacaʼ la? Zanda pue, peru pa nánnacabe gunáʼ nga ca conseju ni zanda gacané laacabe guibánicabe galán. Dede maʼ raca stale iza, huayuu binni ni huabani nayecheʼ purtiʼ rinándacaʼ caadxi conseju nabé risaca. Paraa nuu cani yaʼ. Zeeda cani lu libru riʼ: Ximodo guibanineluʼ binnilídxiluʼ nayecheʼ. Laaca neni caadxi ejemplu ni zacané ca familia ca gudxiilucaʼ xcaadxi guendanagana gápacaʼ. Ca dxi riʼ, ñee nuu tuuxa ni cadi caquiiñeʼ ca conseju riʼ la?