Ra ruzulú sección 11

Lu sección riʼ, zuzulú zadúʼndanu ca relatu ni zeeda lu Escrituras Griegas Cristianas. Zazíʼdinu gule Jesús ndaaniʼ ti familia ni huaxiéʼ napa bueltu, gulézacabe ndaaniʼ ti guidxihuiiniʼ ne bíʼninebe bixhózebe dxiiñaʼ de carpinteru. Jesús nga ni chigulá binni guidxilayú. Ne maʼ gulí Jiobá laabe para gácabe Rey lu Reinu stiʼ ni nuu guibáʼ. Pa nápaluʼ xiiñiluʼ gucané laacabe guiénecabe, né stale cuidadu nga gulí Jiobá familia ra chigale Jesús ti ganda guiniisibe galán. Bisiene laacabe bilá Jiobá Jesús ora gucalaʼdxiʼ Herodes ñuuti laa. Gastiʼ qué zanda gucueeza de gaca ni maʼ guníʼ Jiobá. Bisiidiʼ laacabe gulí Jiobá Juan para guxheleʼ neza stiʼ Jesús. Bisiene laacabe dede nahuiiniʼ Jesús, yenanda guiráʼ conseju stiʼ Jiobá ne bisihuínnibe ni purtiʼ bíʼnibe guiráʼ ni gudxi bixhózebe laabe ne qué ñúnibe ni ná si íquebe.