Ra ruzulú ni
XI PARA GUCA LIBRU RIʼ
Jiobá Dios cayabi laanu gucáʼ íquenu guizíʼdinu ti gánnanu xii nga ni jneza ne ni cadi jneza ne gúninu ni casi ruyubi binni «tesoro ni gaʼchiʼ» (Prov. 2:1-5). Ca diidxaʼ riʼ caguu cani gana laanu gúninu stipa pur guiénenu ximodo ricabi Biblia xiixa ni racaláʼdxinu gánnanu ne pa gúninu zacá zánnanu xi gúninu ora guidxaagalunu xiixa guendanagana. Ne para ngapeʼ nga guca libru ni láʼ: Ca tema ni huabee ca testigu stiʼ Jiobá.
Libru riʼ cadi neni guiráʼ tema ni maʼ huaree lu ca publicación stinu. Peru lu cada tema stini zadxélaluʼ ti referencia ni cuseendaʼ lii lu ca publicación ni huaree lu diidxazá dede lu iza 2003.
XIMODO GUIDXEʼLUʼ NI CUYÚBILUʼ
Primeru biyubi ra na Ni zeeda lu riʼ ne zanda guidxélaluʼ ni lu sti yaza ca, ne biiyaʼ xi tema zanda gacané lii guidxélaluʼ ni cuyúbiluʼ. Nuu tiru zuyúbiluʼ lu sti tema para guidxélaluʼ ni racaláʼdxiluʼ. Ca subtítulo ni zeeda lu cada tema ca zacanécani lii guidxélaluʼ jma nagueenda ni cuyúbiluʼ.
Despué guyé lu yaza ra zeeda tema ne subtítulo ni cuyúbiluʼ. Lade guiráʼ ca tema stiʼ ca publicación ni zeeda racá biyubi xidé racaláʼdxiluʼ gúʼndaluʼ. Pa nápaluʼ ca publicación ca ra lídxiluʼ, lu electrónicu o nuucani ndaaniʼ biblioteca ni nápatu ra Yoo stiʼ Reinu la? zanda guyúbiluʼ tema o capítulo ni racaláʼdxiluʼ. Cadi guiaandaʼ lii, cada biaje cheluʼ ra zeeda ca tema ca zadxélaluʼ xiixa ni cuyúbiluʼ.
Pa cuyúbiluʼ xi maʼ bisiénecabe de xiixa versículo stiʼ Biblia la? guyé ra ná: «Modo huasiénedu Stiidxaʼ Dios». Ca versículo si ni maʼ huasiénecabe nga zeeda lu lista riʼ.
Cadi guiaandaʼ lii «tesoro ni gaʼchiʼ» nga cuyúbiluʼ, nga runi zandaa para guidxélaluʼ ni. Cadi guireeluʼ gana pa cadi casi zeluʼ guidxélaluʼ ni cuyúbiluʼ. Ra jma iquiiñeluʼ libru ni láʼ: Ca tema ni huabee ca testigu stiʼ Jiobá, jma ziuuláʼdxiluʼ guyúbiluʼ ni caquiiñeluʼ. Jiobá zaguu ndaayaʼ stipa ni gúniluʼ ne zudii lii «guendabiaaniʼ [...] ne guendariene» (Prov. 2:6; 4:5).
CA SÍMBOLO NI CAQUIIÑEDU:
❐ = Ti tema si caníʼ cani
§ = Subtítulo, ndaa
¶ = Párrafo
cap. = Capítulo
yaza = Yaza
Núm. = Númeru
12/2004 = Beeu/Iza
1/2/2010 = Dxi/Beeu/Iza