Ti guenda ni rusihuinni tuu nga cani dxandíʼ xpinni Cristu

Ora de ndaaniʼ ladxidóʼ tuuxa riuulaʼdxiʼ guidxaagalú binni ralidxi la? rusihuinni dxandíʼ xpinni Cristu laa. Despué de biaba espíritu santu luguiáʼ ca xpinni Cristu lu Pentecostés stiʼ iza 33 d.J. que la? stale de cani nacubi guca xpinni Cristu biaanacaʼ Jerusalén para guiziidicaʼ jma de ca diidxaʼ nacubi ne galán stiʼ Reinu ante guibiguétacaʼ xquídxicaʼ. Ca xpinni Cristu ni nabeza Jerusalén galán modo bidxaagalucaʼ laacabe ralídxicaʼ, dede bitoocaʼ cani nápacaʼ ne bicasaacaʼ bueltu bidoocani para iquiiñecabe cani (Hech. 2:42-46). Despué gudixhe chaahuiʼ ca apóstol que modo quíʼzicaʼ guendaró ra nuu ca viuda ni nuu ládecaʼ, ni caquiiñeʼ gacanécabe laacaʼ (Hech. 6:1-6).

Guiráʼ ca xpinni Cristu naquiiñeʼ guidxaagalucaʼ sti binni ralídxicaʼ. Neca nabé guzananda binni stale de ca xpinni Cristu que ne xcaadxi de laacaʼ guxha binni ni nápacaʼ la? Pablu gudxi laacabe: «Cadi guiaanda laatu uchagalú tu cani zeeda de sti guidxi» (Heb. 13:2; 10:34). Pedru guníʼ naquiiñeʼ gúnicabe ni de guidubi ladxidóʼcabe ora guníʼ: «Lauchagalú saa sin quiche ruaa tu» (1 Ped. 4:9; zanda gúʼndaluʼ 2 Cor. 9:7). Pablu bisihuinni tuu nga cani primé naquiiñeʼ guidxaagalú ca xpinni Cristu, laabe gúdxibe laacaʼ: «Ora tiica ganda acané nu binni la? guni nu ni, peru jma pe naquiiñe guni nu ni lade ca hermanu» (Gál. 6:10).

Para ganda gueeda gaca tuuxa xpinni Cristu ti binnigola lade ca binni ridagulisaa dxiqué la? naquiiñeʼ guidxaagalube binni ralídxibe (1Tim. 3:2; Tito 1:7, 8). Pablu laaca gudxi Timoteu, ti binnigola de guidxi Éfeso, naquiiñeʼ gacané ca binni ridagulisaa ca viuda ni huadxaagalú binni ralidxi (1Tim. 5:9, 10).