Ti dxaapahuiiniʼ ni nabé riuulaʼdxiʼ gudii

CADI tan xadxí, ti dxaapahuiiniʼ de Brasil ni napa gaʼ iza, gudixhe ique guni 43 dólar ni guluu chaahuiʼ chupa ndaa: tobi ca de 18 dólar ne stobi ca de 25 dólar. Bisábabe 18 dólar ca ndaaniʼ caja ra rusábacabe bueltu para guiaxa cani riquiiñeʼ ndaaniʼ Yoo stiʼ Reinu. Ne despué biseendabe 25 dólar ca Betel ni nuu xquídxibe ne ti carta huiiniʼ ra na: «Racalaʼdxeʼ gudieeʼ bueltu riʼ para dxiiñaʼ ni raca lu guidubi naca Guidxilayú. Ni racalaʼdxeʼ nga gacaniáʼ stale de ca xpinni Cristu ni nuu lu guidubi naca Guidxilayú para ganda gucheechecaʼ ca diidxaʼ nacubi ne galán. Ne cudieeʼ ni de guidubi ladxiduáʼ purtiʼ nadxieeʼ Jiobá».

Bixhózebe ne jñaabe bisiidicaʼ laabe pabiáʼ risaca nga gucheechebe stiidxaʼ Reinu. Ne laaca bisiidicaʼ laabe naquiiñeʼ gusisácabe «Jiobá ne ca cosa risaca» stibe (Pro. 3:9). Guiranu laaca zanda gudiʼnu cani nápanu para gacanenu guireeche stiidxaʼ Reinu ra ridagulisaanu ne lu guidubi naca Guidxilayú cásica biʼniʼ dxaapahuiiniʼ ca.