BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • w13 1/4 yaza 3
  • Ñee zanda guibani binni nayecheʼ la?

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • Ñee zanda guibani binni nayecheʼ la?
  • Torre stiʼ ni rapa ni caníʼ de Reinu stiʼ Jiobá 2013
  • Laaca zanda gúʼndaluʼ
  • Jesús culuíʼ laanu ximodo zanda guibáninu nayecheʼ
    Torre stiʼ ni rapa ni caníʼ de Reinu stiʼ Jiobá 2013
  • Jesús bisihuinni zanda guibani binni nayecheʼ
    Torre stiʼ ni rapa ni caníʼ de Reinu stiʼ Jiobá 2013
  • Gucané familia stiluʼ cadi gusiaandaʼ Jiobá
    Ni chigaca lu reunión Xhiiñaʼ Dios ne modo nabáninu 2017
Torre stiʼ ni rapa ni caníʼ de Reinu stiʼ Jiobá 2013
w13 1/4 yaza 3

CA TEMA NI ZEEDA LU CA PRIMÉ YAZA: ZANDA GUIBANI BINNI NAYECHEʼ

Ñee zanda guibani binni nayecheʼ la?

«Ca dxi biaʼ ridxiña ca iza stinu nga setenta iza; ne pa naguídxinu la? ochenta iza, peru puru si guendanagana ne yuubaʼ nga ca iza ca.» (Salmo 90:10)

¡DXANDÍʼ ni na ca diidxaʼ ca! Purtiʼ binni guidxilayú nabaniné «puru si guendanagana ne yuubaʼ». Nga runi, nuu tu rinabadiidxaʼ pa zanda guibani binni nayecheʼ.

Guidúʼyanu ni bizaaca Maria. Laabe gúcabe ti gunaa ni nabé biʼniʼ dxiiñaʼ; peru yanna, maʼ nápabe 84 iza, ne maʼ qué rándapeʼ rireebe. Neca guizaʼruʼ xquendabiaanibe, peru maʼ qué randa rúnibe cani ñuuláʼdxibe ñúnibe. Pa zacá nabánibe, ximodo zanda chuʼbe nayecheʼ yaʼ.

Ñee zacaca nuuluʼ la? Zándaca huayuu ora guinabadiidxaluʼ pa zanda guibániluʼ nayecheʼ. Zándaca ngueca ca ngueca dxiiñaʼ rúniluʼ guiráʼ dxi ne rusidxaga ni lii, ne guirutiʼ rudii cuenta pabiáʼ nadipaʼ dxiiñaʼ rúniluʼ. Ne neca nabániluʼ galán yanna, peru zándaca riuuluʼ xizaa pa zabániluʼ galán despué; o riuu biaje runi sentirluʼ nuuluʼ stúbiluʼ o riuuluʼ triste, o riuuluʼ xizaa purtiʼ nabé ridinde binnilídxiluʼ. Zándaca maʼ guti tuuxa binni ni nadxiiluʼ. Ngapeʼ nga ni bizaaca ti hombre láʼ André. Nabé gucuánube bixhózebe, málasi ti dxi guca huará bixhózebe ne guti. Ni bizaacabe ca nabé bininá ni laabe ne guniʼbe maʼ qué ziuuruʼ dxi guibánibe nayecheʼ.

Intiica si guendanagana ne yuubaʼ cadxaagalunu yanna, guiranu racaláʼdxinu gánnanu pa zanda guibáninu nayecheʼ. Para gánnanu ni la? guidúʼyanu modo bibani ti hombre ni guyuu lu Guidxilayú riʼ raca biaʼ chupa mil iza, ne laabe nga Jesucristu. Neca gúpabe stale guendanagana, bibánibe galán ne guyuube nayecheʼ. Ne laanu laaca zanda guibáninu zacá pa chinándanu ejemplu stibe.

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir