Índice

Qué zaquiiñeʼ guiráʼ conocimientu ni nápanu pa qué iquiiñenu cani. Nga runi caquiiñeʼ gácanu humilde para gúninu guiráʼ ni maʼ bizíʼdinu. Tema riʼ zacané ni laanu para cadi gusaana de gácanu humilde ra chinándanu ejemplu stiʼ ca xpinni Dios de dxiqué, purtiʼ laacaʼ biʼniʼ predicarcaʼ guiráʼ clase binni, biʼniʼ orarcaʼ pur xcaadxi ne gúpacaʼ confianza zacané Jiobá laacaʼ.

Nabé nagana ca dxi nabézanu riʼ, nga runi jma nagueenda rireʼnu gana pur ca guendanagana ni nápanu. Racané Jiobá ne Jesús laanu para cadi guireʼnu gana, peru guiranu naquiiñeʼ cúʼsaanu gana ne quixhedxinu ladxidóʼ ca hermanu stinu. Tema riʼ zacané ni laanu gánnanu ximodo gúninu ni.

Naca Jiobá ti «Dios nayecheʼ» ne racaláʼdxibe guibani ca xpínnibe nayecheʼ. Peru ¿ximodo zanda guibáninu nayecheʼ pa nápanu guendanagana pur nabézanu ndaaniʼ guidxilayú ra cayuni mandar Binidxabaʼ yaʼ? Lu discursu ni bidii Jesús lu ti Dani bizeetebe caadxi cosa ni zanda gacané laanu.

Zeʼ dxi jma ruyubi binni puru para laasi, peru ca xpinni Cristu maʼ gadxé laacaʼ purtiʼ nadxiisaacaʼ. Ti modo rusihuínninu nadxiisaanu nga ora riénenu xcaadxi, nga runi lu guiropaʼ tema riʼ zazíʼdinu ximodo gúninu ni. Primeru zazíʼdinu de ejemplu stiʼ Jiobá ne despué zazíʼdinu ximodo zanda chinándanu ejemplu stibe.