Cani chiguietenaláʼdxinu stiʼ Scuela stiʼ cani Rucheeche Diidxaʼ

Ca endarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 27 stiʼ diciembre 2004. Binnigola ni rutiidiʼ scuela ca zaquiiñebe treinta minutu para guietenalaʼdxinebe cani cucaadiaga ni biuundaʼ lu ca libana ni gudiʼdiʼ semana 1 stiʼ noviembre dede 27 stiʼ diciembre 2004. [Laguuyaʼ: Pa cadi cá paraa guyúbitu cani canabadiidxaʼ ni ca la? naquiiñeʼ cada tobi guyubi ne guʼndaʼ ti idxela xi icabi (biindaʼ ca yaza 36, 37 stiʼ Benefíciese).]

MODO INIʼLUʼ JNÉZAPEʼ

1. Unáʼ ndiʼ tobi de ca modo ni jma galán zanda iquiiñenu ora guininenu binni ti chuláʼdxicaʼ ucaadiágacaʼ de ni caninu yaʼ. [be-S yaza 218 § 3.]

2. Bizeeteʼ gaayuʼ modo zanda ilúxenu galán ti libana. [be-S yaza 220 § 4–yaza 221 § 4].

3. Ximodo zanda ganna chaahuinu de que jneza nga cani chiguininu yaʼ. [be-S yaza 224, cuadru.]

4. Ximodo rusihuínninu lu ti libana de que dxandíʼ runi respetarnu ca binni ridagulisaanenu, purtiʼ laacaʼ nga zeeda ácacaʼ ti pilar ni rapa Stiidxaʼ Dios ndaaniʼ Guidxilayú riʼ. (1 Tim. 3:15.) [be-S yaza 224 § 1-4.]

5. Ximodo zanda chinándanu ni na Proverbios 14:15 ora chiguzeetenu de xiixa ni cayaca yanna, ne ora chiguininu de ni na xiixa libru o revista o de xiixa ni bizaaca tuuxa binni. [be-S yaza 225 § 1.]

PRIMÉ LIBANA

6. Ximodo zanda gánnanu pabiáʼ tiempu udiʼdiʼ de dxi uyáʼ Adán dede dxi biaba Nisaguiéʼ naroʼbaʼ que. [si-S yaza 286 § 12.]

7. Ximodo zanda cueenu cuenta padxí nga bizulú Jesús biʼniʼ xhiiñaʼ bixhoze, ne xiñee runi crenu de que bindaani chonna iza arondaʼ si. [si-S yaza 291 § 16.]

8. 1) Padxí nga biree diidxaʼ de acachaahuiʼ ne ibiguetaʼ cuí Jerusalén sti biaje. 2) Dede dxi biree diidxaʼ ca, panda iza zadiʼdiʼ para ihuinni Jesús casi Mesías. (Dan. 9:24-27.) [si-S yaza 291 § 18, 19.]

9. Xi naquiiñeʼ gúninu ti ihuinni de que dxandíʼ racaláʼdxinu utiidiláʼdxicabe xtóndanu ne ucaani laanu chiguinínenu bíchinu o bizánanu para chuʼnu nayecheʼ ne laa. (Mat. 5:23, 24.) [w02-S 1/11 yaza 6 § 1, 5.]

10. Xi rizíʼdinu lu 2 Reyes 13:18, 19 modo naquiiñeʼ gúninu ca dxiiñaʼ ni maʼ bidii Jiobá laanu yaʼ. [w02-S 1/12 yaza 31 § 1, 2.]

BIAʼ RA BIUUNDAʼ BIBLIA TI SEMANA

11. Xiñee gunda bidii ca israelita que maniʼ ni qué nixii rini stiʼ, ca binni ni nabeza si xquídxicabe que o xiñee gunda bitoocabe ca maniʼ que lu binni de sti guidxi pa laapecabe qué ñócabe laacame yaʼ. (Deu. 14:21.)

12. Xi rizíʼdinu lu Deuteronomio 20:5-7.

13. Xiñee na Biblia de que ra icaacabe de prenda ti molinu de manu o guié stini ni nuu luguiáʼ, zeeda ácani casi ñaca nicaacabe xhialma ti binni yaʼ. (Deu. 24:6.)

14. Cumu maca nexheʼ de que cadi liica gó ca israelita que iráʼ clase za la? xi riníʼ gócabe «za stiʼ dendxuʼ ni napa cachu» yaʼ. (Deu. 32:13, 14.)

15. Ca dxi stinu riʼ, tuu ndiʼ cuchee casi modo bichee Acán que yaʼ. (Jos. 7:1-26.) [w86-S 15/12 yaza 20 § 20.]