Cani chiguieeteʼ
◼ Cani zanda usaananu beeu septiembre: ¿Existe un Creador que se interese por nosotros? Laaca zanda usaananu libru La vida... ¿cómo se presentó aquí? ¿Por evolución, o por creación? (naroʼbaʼ o nahuiiniʼ) o xcaadxi libru ni huaxiéʼ nacubi ni nápatu stale. Pa ni caníʼneluʼ ca qué icaa libru ca bisaanané laabe folletu ¡Manténgase alerta! Octubre: La Atalaya ne ¡Despertad! Cani dxandíʼ riulaʼdxiʼ iziidiʼ la? bisaanané laacaʼ folletu Xi canabaʼ Dios lii guʼnuʼ. Noviembre: Aprendamos del Gran Maestro. Pa binni ni caníʼneluʼ ca qué gapa xiiñiʼ la? zanda usaananeluʼ laa libru Conocimiento o tratadu Ñuláʼdxiluʼ niziidiluʼ jma de lu Biblia la? Diciembre: El hombre más grande de todos los tiempos. Laaca zanda iquiiñeʼ libru La Biblia... ¿la palabra de Dios, o palabra del hombre?, Libru stinneʼ de ca historia stiʼ Biblia o libru Usted puede vivir para siempre en el paraíso en la Tierra, pa nápatu ra ridagulisaatu.
◼ Betel qué zuseendaʼ diʼ gastiʼ ora inabaʼ cani rucheeche diidxaʼ xiixa laasicaʼ. Binnigola ni rapa iráʼ stiʼ binni ridagulisaa ca naquiiñeʼ gúʼyabe guieeteʼ iráʼ beeu lu endaridagulisaa ca padxí nga useendacabe guiʼchiʼ ra rinábacabe ca libru ca Betel, ti idxiña cani racalaʼdxiʼ gueeda xiixa stiʼ ra nuu bíchinu ni rinabaʼ cani. Laguuyaʼ unáʼ ndiʼ cani rábicabe solicitud especial.
◼ Cusietenaláʼdxidu ca binnigola chinándacaʼ ni na La Atalaya 15 stiʼ abril 1991, yaza 21 dede 23, ora chigánnacabe cani maʼ biree ndaaniʼ xquidxi Dios (expulsados) ne cani uniʼcaʼ ireecaʼ ndaaniʼ xquídxibe (desasociados) ni zándaca rápacaʼ gana ibiguétacaʼ.
◼ Libana ni bibí para udiicabe tiidiʼ si dxi guietenaláʼdxinu guendaguti stiʼ Cristu iza 2006, zácani 30 stiʼ abril. Despué zábidu laatu xi láʼ libana riʼ. Ca neza binni ridagulisaa ni chiganna binnigola ni riganna ca binni ridagulisaa laaca dxi ca o gápacaʼ ti guendaridagulisaa de chupa gubidxa semana ca la? zucaadiágacabe libana ni bibí riʼ ti semana despué. Nin ti neza binni ridagulisaa qué gapa xidé ucaadiaga libana riʼ ante de 30 stiʼ abril 2006.
◼ Cumu gaayuʼ sábadu ne domingu né beeu octubre la? galán ni para cani racalaʼdxiʼ aca precursor auxiliar.
◼ Ca abogadu stiʼ Betel ruyúbicaʼ ximodo ganda ireeche ca diidxaʼ nacubi ne galán riʼ idubi guidxi Méjicu sin qué chuʼ tu ucueeza laacaʼ (Fili. 1:7). Ruuyacabe ca endanagana rapa cani rucheeche diidxaʼ ora chuʼ tu ucueeza laacaʼ de gúnicaʼ xhiiñaʼ Jiobá ne ora qué nacaʼ gúnicaʼ xiixa ni nánnacaʼ cadi jneza para Dios. Peru ca abogadu riʼ qué racanédicaʼ ora tuuxa gapa ti endanagana stiʼ. Pur nga runi, rinábadu cani rucheeche diidxaʼ cadi iniʼcaʼ Betel pur intiisi ni ácacaʼ. Pa iquiiñetu ti abogadu la? zanda uyúbitu tobi acané laatu. Peru pa gúʼyatu endanagana stitu ca zucueeza ni laatu de ucheechetu diidxaʼ o zucaani laatu ucheenetu Dios la? zanda iníʼnetu ca binnigola o iníʼnetu binnigola ni riganna ca binni ridagulisaa, ne maʼ laacabe gábicabe laatu xi gúnitu. Pa laacabe gúʼyacabe caquiiñeʼ iníʼcabe Betel la? zanda gúnicabe ni.
◼ Lu iza dxiiñaʼ 2006 la? cani naca precursor auxiliar beeu tiidiʼ binnigola ni riganna ca binni ridagulisaa ca laacabe la? zanda chúʼcabe galaa si guendaridagulisaa ni rapanebe ca precursor semana ca. Iráʼ cani zanda aca precursor beeu ca la? zanda chuʼcaʼ lu endaridagulisaa ca.