Cani Chiguieeteʼ

◼ Cani zanda usaananu febrero: Acerquémonos a Jehová. Marzo: Xipeʼ ndiʼ cusiidiʼ Biblia. Gúninu stipa pur uzulú gúʼndanenu laacabe Biblia. Abril ne mayo: La Atalaya ne ¡Despertad! Ora ibiguétatu ra lidxi tuuxa ni riuulaʼdxiʼ ucaadiaga, casi cani uyé ra bietenaláʼdxinu guendaguti stiʼ Jesús o ra huayúninu sti guendaridagulisaa peru qué ridxaagapécabe xquidxi Jiobá la? zanda usaananetu laacabe libru cubi Xipeʼ ndiʼ cusiidiʼ Biblia, ne gúnitu stipa pur uzulú gúʼndanetu laacabe de Biblia.

◼ Cumu gaayuʼ sábadu ne domingu né beeu abril la? galán ni para cani racalaʼdxiʼ aca precursor auxiliar.

◼ Libana ni bibí para udiicabe ora mayaca guietenaláʼdxinu guendaguti stiʼ Jesús stiʼ iza 2006 zacabi ni endarinabadiidxaʼ de pa cayuni mandar ruʼ Dios yanna. (Laguuyaʼ cani chiguieeteʼ ni caníʼ de laani lu Xhiiñaʼ Reinu ni Rúninu stiʼ septiembre 2005).

◼ Tema ni cá lu yaza 6 stiʼ Xhiiñaʼ Reinu ni Rúninu riʼ ni láʼ «Ziéchenu stálepeʼ ora gúʼndanu libru Xipeʼ ndiʼ cusiidiʼ Biblia» ziuundaʼ ni lu Guendaridagulisaa stiʼ Dxiiñaʼ Stinu semana 3 stiʼ abril. Lagapa chaahuiʼ guiʼchiʼ ra cá tema riʼ ne guiʼchiʼ ra cá ximodo guiuundaʼ libru ca.

◼ Binnigola ni rapa iráʼ stiʼ binni ridagulisaa ca o tuuxa ni bidiibe dxiiñaʼ riʼ la? guʼyaʼ pa jneza nuu ca guiʼchiʼ ra cá pagala nápatu, ne ácani 1 stiʼ marzo o sti ora peru cadi tiidiʼ stale dxi. Ne pa nápatu bueltu ra bancu, casi bueltu ni riquiiñeʼ para aca chaahuiʼ o cuí Yoo stiʼ Reinu o para aca sti dxiiñaʼ la? laaca naquiiñeʼ gúʼyatu xquiʼchiʼ ni. Ora maʼ uca ni la? guieeteʼ ni nezalú ca binni ridagulisaa ca iluxe iníʼsitu pagala nuu.

◼ Secretariu ne Binnigola ni ruuyaʼ modo rireeche diidxaʼ ca naquiiñeʼ gúʼyacabe dxiiñaʼ ni biʼniʼ ca precursor regular. Ca binnigola ca zacanécabe cani raca nagana para laa usaa ora stiʼ. Zadxélatu ximodo acanetu laacabe lu carta ni riree iráʼ iza S-201-S.