Biquiiñeʼ tiempu stiluʼ ne guendabiaaniʼ lu beeu Diciembre
Lu beeu diciembre stale binni nabé runi saa. Casi chuʼnu beeu ca, ridúʼyanu binni maʼ canasíʼ, maʼ cayuuyacaʼ xi gusigáʼdecaʼ, maʼ zecaʼ zigánnacaʼ binnilídxicaʼ ne riníʼ stiidxacaʼ xi gúnicaʼ ra lídxicaʼ. Cumu nabé rusisaca binni Cristu ca dxi ca la? galán guininu xiixa tema ni cuzeeteʼ de Jesús ora maʼ zigucheechenu diidxaʼ.
Pa gucheechenu diidxaʼ ora tiica si la? zanda guinínenu stale binni de ni chiguni Dios para laanu ne laaca zanda gábinu laacabe rusiidiʼ Biblia beeda gati Jesús para gulá laanu. Iquiiñenu ca dxi qué raca dxiiñaʼ stiʼ beeu riʼ para gucheechenu diidxaʼ ne zacá gusisácanu Jiobá. Ra gúninu ni la? qué zaníʼ íquenu chuʼnu lu ca saa ni runi ca binni ca lu beeu ca (Hech. 18:5).