Cani chiguieeteʼ

◼ Cani zanda gusaananu beeu febrero: Acerquémonos a Jehová. Ne pa qué gápatu ni la? zanda gusaananetu binni xiixa libru ni jma nápatu ra ridagulisaatu. Marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia. Abril ne mayo: Torre stiʼ ni rapa ne ¡Despertad! Ora guibiguétatu ra lidxi tuuxa ni riuulaʼdxiʼ gucaadiaga, casi cani guyé ra bietenaláʼdxinu guendaguti stiʼ Jesús o ra huayúnitu sti guendaridagulisaa, peru qué ridxaagapecaʼ xquidxi Jiobá la? zanda gusaananetu laacaʼ libru Xipeʼ ndiʼ cusiidiʼ Biblia. Ne laguni stipa pur iquiiñetu libru riʼ para guzulú gúʼndanetu laacaʼ.

◼ Secretariu ne binnigola ni ruuyaʼ modo rireeche diidxaʼ ca naquiiñeʼ gúʼyacabe dxiiñaʼ ni biʼniʼ ca precursor regular. Ca binnigola ca zacanécabe cani raca nagana para laacaʼ gusaacaʼ ora sticaʼ. Zadxélatu ximodo gacanetu laacabe lu carta ni riree guiráʼ iza S-201.

◼ Libana ni bibí para gudiicabe tiidiʼ si dxi guietenaláʼdxinu guendaguti stiʼ Jesús iza 2007 zaree lani «Lii zanda guibániluʼ ndaaniʼ guidxilayú malu riʼ sin guidxíbiluʼ». Laguuyaʼ cani chiguieeteʼ ni caníʼ de laani lu Xhiiñaʼ Reinu ni Rúninu stiʼ octubre 2006.