Cani chiguieeteʼ
◼ Cani zanda gusaananu beeu marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia. Abril ne mayo: Torre stiʼ ni rapa ne ¡Despertad! Ora guibiguétatu ra lidxi tuuxa ni riuulaʼdxiʼ gucaadiaga, casi cani guyé ra bietenaláʼdxinu guendaguti stiʼ Jesús o ra huayúnitu sti guendaridagulisaa, peru qué ridxaagapecaʼ xquidxi Jiobá la? zanda gusaananetu laacaʼ libru Xipeʼ ndiʼ cusiidiʼ Biblia. Ne laguni stipa pur iquiiñetu libru riʼ para guzulú gúʼndanetu laacaʼ. Junio: zanda gusaananenu binni Libru stinneʼ de ca historia stiʼ Biblia.
◼ Casi guedandá ca revista Torre stiʼ ni rapa ne ¡Despertad! ni jma nacubi ra nuu ca binni ridagulisaa la? naquiiñeʼ gudiicabe cani nagueendaca. Zacá, cani rucheeche diidxaʼ zánnacaʼ xiná cani ante gusaanané cani binni ora chigucheechecaʼ diidxaʼ.
◼ Binnigola ni rapa guiráʼ stiʼ binni ridagulisaa ca o tuuxa ni bidiibe dxiiñaʼ riʼ la? naquiiñeʼ guʼyaʼ pa neza nuu ca guiʼchiʼ ra cá pagala nápatu stiʼ ca beeu diciembre, enero ne febrero. Ora maʼ gúcani la? naquiiñeʼ guieeteʼ ni nezalú ca binni ridagulisaa guiluxe guiníʼsitu pagala nuu (laguuyaʼ guiʼchiʼ ni láʼ: Instrucciones para la contabilidad de la congregación [S-27]).
◼ Ca secretariu ca naquiiñeʼ gánnacaʼ xii nga naquiiñeʼ guiaxa guiráʼ iza pur guiráʼ ca Yoo stiʼ Reinu. Zándaca napa cani ti título de propiedad, escritura o sti guiʼchiʼ ra cá stiʼ Congregación Cristiana de los Testigos de Jehová, A.R. (dxiqué Los Testigos de Jehová en México, A.R.) Yoo stiʼ Reinu ca o zándaca cá cani lá chupa chonna de ca xpinni Cristu. Pur guiráʼ ca Yoo stiʼ Reinu ca zándaca caquiiñeʼ guiaxa impuestu predial, nisa o xcaadxi impuestu ni rinabaʼ xquídxicaʼ laacaʼ quíxecaʼ. Pa qué gánnatu padxí chiguiaxa xiixa impuestu laguinabadiidxaʼ ti quíxetu cani lu fecha canabaʼ gobiernu.
◼ Lu beeu abril ziuundaʼ ra Guendaridagulisaa stiʼ Dxiiñaʼ Stinu videu Los jóvenes preguntan... ¿Qué haré con mi vida? Betel maʼ biseendaʼ para cada neza binni ridagulisaa DVD riʼ para iquiiñecaʼ. Ca neza binni ridagulisaa ni riguixhe ximodo guiaaziʼ ca libru ne revista naquiiñeʼ gudiicaʼ cada neza binni ridagulisaa biaʼ ca lu guiʼchiʼ ni ruseendaʼ Betel ne ti copia de guiʼchiʼ ca. Zándaca guicaacabe ti DVD pur cada grupu ni ruundaʼ libru stiʼ ca binni ridagulisaa.
◼ Lu beeu enero dede junio stiʼ iza 2008 zaca ti neza stiʼ ca precursor ne zuyúbicabe binni ni riníʼ sti diidxaʼ. Casi lu ca diidxaʼ: chinanteco, chol, diidxazá (istmo), diidxazá (ixtlán), maya, mazahua, mazateco, mixe, mixteco, náhuatl, otomí, purépecha, tarahumara, tének, tlapaneco, totonaco, tseltal, ne tsotsil. Cayaca invitar ca precursor regular de guidubi naca guidxi Méjicu. Zanda cheʼ cani: 1) maʼ napa 18 iza dxi ganda 1 stiʼ enero 2008, 2) pa ti guendaxheelaʼ racalaʼdxiʼ cheʼ la? naquiiñeʼ gaca guirópacaʼ precursor regular ne cheʼ guirópacaʼ, 3) maʼ guyecaʼ scuela stiʼ ca precursor regular, 4) gácabe ti binni ni nabani ndaaniʼ guidxi Méjicu ne 5) chécabe chupa beeu. Cumu cadi guiráʼ diʼ cani guinabaʼ cheʼ zie la? cani racalaʼdxiʼ cheʼ naquiiñeʼ gucaacaʼ gunáʼ nga ca beeu ni rápacaʼ gana checaʼ. Cumu chupa beeu si nga zanda chécabe la? naquiiñeʼ gucaacabe gunáʼ nga ca beeu ni rápacabe gana chécabe. Ca beeu ni zanda guinácabe chécabe nga 1) enero ne febrero, 2) marzo ne abril, 3) mayo ne junio. Nécape zanda gucaacabe rápacabe gana chécabe xhoopaʼ beeu ca la? naquiiñeʼ gánnacabe chupa beeu si nga zanda chécabe. Nga runi primeru naquiiñeʼ gucaacabe gunáʼ nga ca beeu ni jma rápacabe gana chécabe, de racá la? laaca zanda gucaacabe gunáʼ nga xcaadxi beeu ni laaca zanda chécabe; peru Betel nga zaguixheʼ gunáʼ nga ca beeu chécabe. Zanda guiníʼcabe xi diidxaʼ racaláʼdxicabe gacanécabe, peru Betel nga zaníʼ xi diidxaʼ gacanécabe. Ca precursor ni chigacané ca lugar ra riníʼ binni sti diidxaʼ la? Betel zuseendaʼ tu laa gusiidiʼ laacabe diidxaʼ ni riníʼ binni ra chigacanécabe. Ca binnigola zuseendacaʼ ca guiʼchiʼ ra cá lá guiráʼ cani cheʼ ra nuu binnigola ni riganna ca binni ridagulisaa ne maʼ laa guseendaʼ cani Betel. Cadi tiidiʼ diʼ ca beeu riʼ para guseendatu ca guiʼchiʼ ra cá lá cani cheʼ. Para cani cheʼ enero ne febrero la? guseendatu cani hasta agosto; para marzo ne abril la? hasta septiembre, ne para mayo ne junio la? hasta octubre 2007.
◼ Viernes huadxí 4 ne sábadu 5 ne 26 stiʼ beeu mayo zieegu Betel. Guirutiʼ zanda chiganna Betel ca dxi riʼ ne laaca qué zuseendaʼ diʼ Betel libru ne revista ra nuu ca binni ridagulisaa ca dxi riʼ. Cani racalaʼdxiʼ chigunibiáʼ Betel viernes 4 stiʼ beeu mayo, naquiiñeʼ gúnicabe ni siadóʼ purtiʼ haudxí guirutiʼ zuni dxiiñaʼ. Laaca cayábidu laatu bieegu museu ni guyuu Betel 1 purtiʼ cayaca chaahuiʼ yoo ca.