Ximodo zanda gusaananu revista

TORRE STIʼ NI RAPA 1 stiʼ mar.

«Stale binni na ti Dios si nga runi adorar guiráʼ ca religión ca. Ñee raʼbuʼ riquiiñeʼ guʼyaʼ chaahuinu xi religión nga chuʼnu lade la? [Guleza guicábibe.] Biiyaʼ xi na Biblia de laani [biindaʼ 1 Juan 4:1]. Revista riʼ cusiéneni ximodo zanda gánnanu pa de Dios zeeda ni rusiidiʼ xiixa religión o pa coʼ.»

Marzo

«Stale de ca xaíque guidxi nabé rudxiibacaʼ laca laacaʼ. Ñee raʼbuʼ zacané modo laacabe ca chuʼ guendariuudxi ne chuʼ guiráʼ xixé binni guidxilayú tobi si la? [Guleza guicábibe.] Biiyaʼ xi riníʼ Biblia de ca binni rudxiibaʼ laca laa [biindaʼ Proverbios 16:18]. Tema riʼ caníʼ xi ribeendú binni ni qué rudxiibaʼ laca laa.» Biluíʼ laabe yaza 20 stiʼ revista ca.

TORRE STIʼ NI RAPA 1 stiʼ mar.

«Stale de laanu nabé riuuláʼdxinu chuʼnu galán ne xcaadxi binni. Peru nagana rácani, purtiʼ dede ndaaniʼ lidxi binni qué randa diʼ riuucaʼ tobi si. Cadi dxandíʼ nga la? [Guleza guicábibe.] Biblia riníʼ xiñee raca nagana para binni chuʼ tobi si [biindaʼ Mateo 24:12]. Nga runi naquiiñeʼ chinándanu ca conseju stiʼ Dios para guibáninu galán ndaaniʼ lídxinu ne chúʼnenu binnilídxinu tobi si. Zacá ziuʼnu nayecheʼ. Revista riʼ neni caadxi conseju ni zacané laanu chúʼnenu binnilídxinu galán.» Bizeeteʼ ti tema ni zeeda lu revista riʼ ni jma ziuulaʼdxiʼ binni gucaadiaga.

Abril

«Ndaaniʼ stale guidxi maʼ caxiéʼ binni runi ni jneza. Ñee maʼ huayuuyaluʼ nga la? [Guleza guicábibe.] Ndaaniʼ Biblia maca cá zaca guiráʼ ni cadúʼyanu lu Guidxilayú riʼ [biindaʼ 2 Timoteo 3:2-4]. Revista riʼ culuíʼ ni laanu xiñee maʼ huaxiéʼ binni runi ni jneza ne paraa chiguiluxe cani.»