Cani chiguieeteʼ
◼ Biiyaʼ lista ra cá padxí ne paraa chigaca ca guendaridagulisaa de chupa gubidxa ne dxi bibí para guidagulisaanu lu ca diidxaʼ ni riníʼcabe Méjicu ni zeeda lu yaza 4.
◼ Cani zanda gusaananu beeu agosto: Intiica folletu de 32 yaza ni zeeda raríʼ: ¡Biecheʼ de guendanabani ndaaniʼ Guidxilayú sin qué guiuu dxi gátiluʼ!, Lii zanda gaca xhamíguluʼ Dios, ne Xi canabaʼ Dios lii guʼnuʼ. Septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia primé ca biaje chigánnatu laa. Pa maʼ nápabe libru riʼ la? biyubi ti capítulo stini ne biluíʼ laabe ximodo rúʼndanenu binni Biblia. Octubre: Revista Torre stiʼ ni rapa ne ¡Despertad! Pa gusihuinni binni ca riuulaʼdxiʼ guiziidiʼ jma la? zanda gusaananetu laabe tratadu Ñulaʼdxiluʼ niziidiluʼ jma de lu Biblia la? ne laguni stipa pur guzulú gúʼndanetu laabe Biblia. Noviembre: Guizíʼdinu de Maestru Ni Jma Nanna Gusiidiʼ; pa binni ca guiníʼ qué gapa xiiñiʼ la? bisaanané laabe libru Xipeʼ ndiʼ cusiidiʼ Biblia.
◼ Jma galán gácatu precursor auxiliar beeu septiembre, purtiʼ neni gaayuʼ sábadu ne domingu.
◼ Ra guinabaʼ ca binni ridagulisaa libru ne revista laaca maʼ zanda guinábacaʼ Anuario de los testigos de Jehová 2008, Calendario de los testigos de Jehová 2008 ne folletu Examinando las Escrituras diariamente 2008. Lu Anuncio para todas las congregaciones (cani chiguieeteʼ stiʼ guiráʼ neza binni ridagulisaa) ni riree guiráʼ beeu zaree xi diidxaʼ nuu cani.
◼ Cusietenaláʼdxidu ca binnigola chinándacaʼ ni zeeda lu La Atalaya 15 stiʼ abril 1991, yaza 21 dede 23, ora chigánnacabe cani maʼ cadi naca testigu stiʼ Jiobá ne cani guníʼ guiree ndaaniʼ xquídxibe ne racaláʼdxicaʼ guibiguétacaʼ.
◼ Pa tuuxa racalaʼdxiʼ chiganna Betel ne napa ti guendahuará la? naquiiñeʼ chiné medicina stiʼ ne zaqueca guendaró ni gó galaa dxi pa qué niluxe ñunibiáʼ Betel ne ziaanaruʼ para huadxí.
◼ Dede 22 hasta 31 stiʼ agosto 2007, zagabaʼ ca libru, revista ne guiráʼ guiʼchiʼ napa Betel stiʼ Méjicu. Nga runi, qué zuseendacabe gastiʼ ra nuu ca neza binni ridagulisaa ca dxi ca.
◼ Cusietenaláʼdxidu ca neza binni ridagulisaa ni riguixhe ximodo guiaaziʼ libru, agosto 2007 nga últimu beeu zanda guseendacabe ca guiʼchiʼ ra canábacabe guiráʼ ni reeda cada iza. Laguseendaca guiʼchiʼ ra cá guiráʼ ni canábatu, ne laguiaanané ti copia para gánnatu padxí biseendatu ni ti cadi guseendatu ni chupa biaje. Pa racaláʼdxitu tobi de cani rinábanu guiráʼ iza lu xiixa diidxaʼ ni qué riníʼcabe Méjicu la? laaca naquiiñeʼ guinábatu ni beeu ca.