Cani chiguieeteʼ
◼ Cani zanda gusaananu lu beeu octubre: Revista Torre stiʼ ni rapa ne ¡Despertad! Pa gusihuinni binni ca riuulaʼdxiʼ guiziidiʼ jma la? zanda gusaananetu laabe tratadu Ñuláʼdxiluʼ niziidiluʼ jma de lu Biblia la? ne laguni stipa pur guzulú gúʼndanetu laabe Biblia. Noviembre: Guizíʼdinu de Maestru Ni Jma Nanna Gusiidiʼ; pa binni ca guiníʼ qué gapa xiiñiʼ la? bisaanané laabe libru Xipeʼ ndiʼ cusiidiʼ Biblia. Diciembre: Biʼniʼ adorar tobi lucha Dios ni dxandíʼ. Laaca zanda iquiiñetu ca folletu ni maʼ nuu lu diidxazá. Enero: Revista Torre stiʼ ni rapa ne ¡Despertad! Laguyubi ximodo guzulú gúʼndanetu ca binni ni riuulaʼdxiʼ guiziidiʼ jma, cani guyé ra bietenaláʼdxinu guendaguti stiʼ Jesús o cani guyé sti guendaridagulisaa ni gúpanu. Zanda gúʼndanetu laacabe libru Xipeʼ ndiʼ cusiidiʼ Biblia.
◼ Galán gácatu precursor auxiliar lu beeu diciembre purtiʼ neni gaayuʼ sábadu ne gaayuʼ domingu.
◼ Lu beeu enero ziuundaʼ lu Guendaridagulisaa Stiʼ Dxiiñaʼ Stinu videu Asistencia médica sin transfusiones. Necesidades y derechos del paciente. Pa caquiiñetu ni la? zanda guinábatu ni nagueendaca ra ridagulisaatu.
◼ Lagapa guiʼchiʼ ni rizaané Xhiiñaʼ Reinu ni Rúninu stiʼ beeu riʼ, purtiʼ neni «Cani chitiidiʼ lu Scuela stiʼ cani Rucheeche Diidxaʼ iza 2008» ne zaquiiñeʼ ni lu guidubi naca iza zeeda ca.
◼ Cadi guiaandaʼ laatu, ni gutiidiʼ últimu ndaa ni tiidiʼ lu Guendaridagulisaa Stiʼ Dxiiñaʼ Stinu ca nga guiníʼ xi diidxaʼ riuundaʼ guiluxené guendaridagulisaa ca, ne laaca laabe gúnibe oración o zanda guni stobi ni.
◼ Cadi guiaandaʼ laatu 1 stiʼ noviembre 2007 nga últimu dxi para guinábatu guiʼchiʼ ni zaguíʼzinu ante guietenaláʼdxinu guendaguti stiʼ Jesús para iza 2008 (mi08). Naquiiñeʼ guinábatu ni ra nuu neza binni ridagulisaa ni riguixhe ximodo guiaaziʼ libru ne zanda iquiiñetu guiʼchiʼ Solicitud de publicaciones (S-14). Cani qué guinabaʼ invitación riʼ para dxi nexheʼ ca, zuseendaʼ Betel 40 invitación para cada tobi de cani rucheeche diidxaʼ.
◼ Xquidxi Jiobá cudii libru ne revista lu gadxé gadxé diidxaʼ para guiziidiʼ binni guiʼchiʼ lu diidxaʼ gulené ne cahuinni caziidiʼ stale binni. Peru para chindá ni guiziidicabe ca ndaaniʼ ladxidóʼcabe la? naquiiñeʼ gúʼndacabe ni lu diidxaʼ gulenécabe. Nga runi, rinábadu laatu gusiiditu binni gúʼndacaʼ lu stiidxacaʼ casi modo na libru Benefíciese de la Escuela del Ministerio Teocrático yaza 285, párrafo 4 dede 7.