Cani chiguieeteʼ

◼ Cani zanda gusaananu lu beeu diciembre: Biʼniʼ adorar tobi lucha Dios ni dxandíʼ. Laaca zanda iquiiñetu ca folletu ni maʼ nuu lu diidxazá. Enero: Revista Torre stiʼ ni rapa ne ¡Despertad! Laguyubi ximodo guzulú gúʼndanetu ca binni ni riuulaʼdxiʼ guiziidiʼ jma, cani guyé ra bietenaláʼdxinu guendaguti stiʼ Jesús o cani guyé sti guendaridagulisaa ni gúpanu. Zanda gúʼndanetu laacabe libru Xipeʼ ndiʼ cusiidiʼ Biblia. Febrero: Libru stinneʼ de ca historia stiʼ Biblia. Ne laaca zanda gusaanatu discu stini. Marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia.

◼ Binnigola ni rapa guiráʼ stiʼ binni ridagulisaa naquiiñeʼ gábibe sti bíʼchinu guʼyaʼ pa jneza nuu ca guiʼchiʼ stiʼ ca beeu septiembre, octubre ne noviembre ra cá pagala nápatu. Laiquiiñeʼ gadxé gadxé binni cada gúʼyatu pagala nuu. Ora maʼ gúcani la? naquiiñeʼ guieeteni nezalú ca binni ridagulisaa guiluxe guiníʼsitu pagala nuu (laguuyaʼ guiʼchiʼ ni láʼ Instrucciones para la contabilidad de la congregación [S-27]).

◼ Guendaguti stiʼ Jesús zietenaláʼdxinu ni jueves 9 stiʼ abril 2009, zácani despué de guiaaziʼ Gubidxa. Cuzéʼtedu padxí chigácani purtiʼ nuu stale lugar riuu chupa o chonna neza binni ridagulisaa ne zacá zanda guyúbicabe sti lugar para guietenaláʼdxicabe guendaguti stiʼ Jesús. Ca binnigola ca napa xidé guiníʼnecaʼ dueñu stiʼ yoo ra guietenaláʼdxicaʼ guendaguti stiʼ Cristu ti cadi chuʼ xiixa ni guchiiñaʼ laacaʼ.