Cani chiguieeteʼ

◼ Cani zanda gusaananu lu beeu enero: Revista Torre stiʼ ni rapa ne ¡Despertad! Laguyubi ximodo guzulú gúʼndanetu ca binni ni riuulaʼdxiʼ guiziidiʼ jma, cani guyé ra bietenaláʼdxinu guendaguti stiʼ Jesús o cani guyé sti guendaridagulisaa ni gúpanu. Zanda gúʼndanetu laacabe libru Xipeʼ ndiʼ cusiidiʼ Biblia. Febrero: Libru stinneʼ de ca historia stiʼ Biblia. Ne laaca zanda gusaanatu discu stini. Marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia. Abril ne mayo: Revista Torre stiʼ ni rapa ne ¡Despertad! Laguni stipa pur guibiguetaʼ chigánnatu ca binni guyuulaʼdxiʼ, cani guyé ra bietenaláʼdxinu guendaguti stiʼ Jesús ne cani yegucaadiaga libana ni bibí gudiʼdiʼ si dxi bietenaláʼdxinu guendaguti stiʼ Jesús, peru qué ridxaagapecaʼ xquidxi Jiobá. Naquiiñeʼ chigánnanu laacabe para guzulú gúʼndanenu laacabe pa qué huayúnicabe ni.

◼ Jma galán gácatu precursor auxiliar lu beeu marzo, purtiʼ neni gaayuʼ sábadu ne gaayuʼ domingu.

◼ Lu beeu febrero ne qué zadiʼdiʼ 2 stiʼ marzo, ca binnigola ni riganna ca binni ridagulisaa zuzulú zudiicaʼ ti libana nacubi ni láʼ «¿A quién podemos acudir en tiempos de angustia?». (Tu laa zanda gacané laanu ora gápanu guendanagana).

◼ Ca binni ridagulisaa ca naquiiñeʼ cúʼcabe listu guiráʼ ni zaquiiñeʼ ora guietenaláʼdxicabe guendaguti stiʼ Jesús ni chigaca iza riʼ, sábadu 22 stiʼ marzo guiaaziʼ si Gubidxa. Neca zanda guzulú libana ca ante, pan ne vinu ca zadiʼdiʼ cani guiaaziʼ si Gubidxa. Laguinabadiidxaʼ pórapeʼ nga ziaaziʼ Gubidxa neza ra nuutu. Ni jma galán nga cada neza binni ridagulisaa guyúbicaʼ ti lugar para guietenaláʼdxicaʼ guendaguti stiʼ Jesús, peru cadi guiráʼ biaje zanda gácani zacá. Casi ra nuu chupa chonna neza binni ridagulisaa ni riquiiñecaʼ ti Yoo stiʼ Reinu si la? zanda tobi o chupa de laacabe guyúbicabe sti lugar gúnicabe ni gueelaʼ ca. Pa ganda la? lagusaana biaʼ cuarenta minutu para guzulú sti neza binni ridagulisaa ti ganda guiníʼnecabe cani cheʼ raqué. Laaca riquiiñeʼ guiníʼ íquetu paraa guzuhuaa ca carru stiʼ ca bíʼchinu ne pa nuu lugar guzuhuaa carru ni chisaana o chicaa cani cheʼ guendaridagulisaa ca. Ca binnigola ca zuuyacabe gunáʼ nga ni jma jneza gaca.

◼ Ca secretariu stiʼ ca neza binni ridagulisaa naquiiñeʼ gúʼyacabe pa nápacabe carta (S-202) ra cá padxí bizulú cada precursor regular. Pa qué gápacabe ni la? naquiiñeʼ gucaacabe Betel.

◼ Naquiiñeʼ gapa chaahuitu ca guiʼchiʼ ni láʼ «Para iquiiñeʼ», purtiʼ ziuu ra iquiiñetu cani. Galán pa gápatu ca guiʼchiʼ ni zeeda guiníʼ ximodo guireeche diidxaʼ ndaaniʼ portafolio o bolsa stitu, ti iquiiñetu cani ora guyúbitu modo guiníʼnetu binni revista, ora gúʼndanetu binni Biblia ne ora chigucheechetu diidxaʼ. Laaca zanda iquiiñeʼ binnigola ni ruuyaʼ modo rireeche diidxaʼ cani ora chiganna ca grupu ni ruundaʼ libru ne lu guendaridagulisaa rápatu ante chigucheechetu diidxaʼ.