Cani chiguieeteʼ

◼ Cani zanda gusaananu lu beeu marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia. Abril ne mayo: Libru stinneʼ de ca historia stiʼ Biblia, laguni stipa pur chigánnatu sti biaje ca binni ni guyuulaʼdxiʼ gucaadiaga, casi cani guyé ra bietenaláʼdxinu guendaguti stiʼ Jesús o cani yeucaadiaga libana ni bibí gudiʼdiʼ si dxi bietenaláʼdxinu guendaguti stiʼ Jesús, peru qué riépecaʼ guendaridagulisaa. Laguni stipa pur guzulú gúʼndanetu laacabe de Biblia pa qué huayúnicabe ni. Junio: ¡Biecheʼ de guendanabani ndaaniʼ Guidxilayú sin qué guiuu dxi gátiluʼ!, Lii zanda gaca xhamíguluʼ Dios, ne Xi canabaʼ Dios lii guʼnuʼ.

◼ Casi guedandá revista Torre stiʼ ni rapa ne ¡Despertad! ni jma nacubi ra nuu ca binni ridagulisaa la? naquiiñeʼ gudiicabe cani nagueendaca. Zacá zanda gánnacabe xiná cani ante gusaananécabe cani binni ora chigucheechecabe diidxaʼ.

◼ Binnigola ni rapa guiráʼ stiʼ binni ridagulisaa zábibe ti bíʼchinu guʼyaʼ pa jneza nuu ca guiʼchiʼ ra cá pagala nápatu stiʼ beeu diciembre, enero ne febrero. Galán gábitu gadxé gadxé binni para guʼyaʼ pa jneza nuu ca guiʼchiʼ ca. Ora maʼ gúcani la? naquiiñeʼ guzeetetu ni nezalú ca binni ridagulisaa guiluxe guiníʼsitu pagala nuu (laguuyaʼ guiʼchiʼ ni láʼ Instrucciones para la contabilidad de la congregación [S-27]).

◼ Neza stiʼ ca precursor 2009: Lu beeu enero dede junio zaca ti neza stiʼ ca precursor lu xcaadxi diidxaʼ, ne despué zaníʼcabe xi diidxaʼ chigácani. Cayaca invitar ca precursor regular de guidubi naca guidxi Méjicu. Zanda cheʼ cani: 1) Maʼ napa 18 iza dxi ganda 1 stiʼ enero 2009, 2) pa ti guendaxheelaʼ racalaʼdxiʼ cheʼ la? naquiiñeʼ gácacabe precursor regular ne chécabeʼ juntu, 3) gácacabe ti binni ni gule Méjicu ne 4) chécabe chupa beeu. Cani racalaʼdxiʼ cheʼ la? zanda cuicaʼ xi beeu checaʼ de cani zeeda raríʼ: enero-febrero, marzo-abril o mayo-junio. Ca binnigola zuseendacaʼ ca guiʼchiʼ ra cá lá guiráʼ cani cheʼ ca ra nuu binnigola ni riganna ca binni ridagulisaa ne maʼ laa guseendaʼ cani Betel ante de 30 stiʼ septiembre 2008.

◼ Scuela stiʼ ca precursor regular 2008. Ndiʼ nga primé biaje cayaca invitar cani maʼ bisaa ti iza de precursor ne gusaa 16 iza para 1 stiʼ julio 2008 para checaʼ scuela riʼ, zanda cheʼ cani nahuiiniʼ pa cheʼ bixhózecaʼ. Ca precursor regular ne especial ni zanda cheʼ scuela stiʼ ca precursor riʼ guiropa biaje nga cani gusaa 15 iza de precursor 1 stiʼ julio 2008 ni qué huayecaʼ scuela ne libru cubi. Pa xheelaʼ precursor o precursora ca, bizulú 1 stiʼ julio 2007 o ante ne qué huayebe scuela ne libru nacubi ca la? zaca invitarbe para chebe scuela ca. Pa nuu tu maʼ bisaana de gaca precursor ne yanna maʼ bizulú ni stiʼ biaje la? naquiiñeʼ gánnabe laaca zagabaʼ guiráʼ ca iza ni maca gúcabe precursor, peru naquiiñeʼ guietenaláʼdxibe para ganda chebe scuela stiʼ ca precursor la? naquiiñeʼ gápabe ti iza de bizulube ni. Zanda chécabe pa maʼ nápacabe biaʼ iza ni maʼ bieeteʼ ca.