Cani chiguieeteʼ

◼ Cani zanda gusaananu lu beeu febrero: Libru stinneʼ de ca historia stiʼ Biblia, ne laaca zanda gusaanatu discu stini. Marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia. Abril: revista Torre stiʼ ni rapa ne ¡Despertad! Ora chigánnatu ca binni ni riuulaʼdxiʼ guiziidiʼ jma casi cani rié ra rietenaláʼdxinu guendaguti stiʼ Jesús peru qué ridxaagapecaʼ xquidxi Dios la? zanda gusaananetu laacabe libru Xipeʼ ndiʼ cusiidiʼ Biblia. Naquiiñeʼ gúnitu stipa pur guzulú gúʼndanetu laacabe de Biblia.

◼ Lu primé semana stiʼ marzo zudii ca binnigola ni riganna ca binni ridagulisaa ti libana nacubi ni caníʼ ximodo gucáʼnanu ca cosa ni nuu ndaaniʼ guidxilayú riʼ ne guyúbinu cani chiguni Reinu stiʼ Dios.

◼ Ca binni ridagulisaa ca naquiiñeʼ uguucaʼ listu guiráʼ ni zaquiiñeʼ ora guietenaláʼdxicaʼ guendaguti stiʼ Jesús, iza riʼ zácani jueves 9 stiʼ abril guiaaziʼ si Gubidxa. Galán pa cada neza binni ridagulisaa guyubi ti lugar para guni ni. Casi ra nuu ca neza binni ridagulisaa ni riquiiñecaʼ tobi si Yoo stiʼ Reinu la? zanda guyubi tobi o chupa de laacaʼ sti lugar gúnicaʼ ni gueelaʼ ca. Pa ganda la? lagusaana biaʼ cuarenta minutu para guzulú sti neza binni ridagulisaa ti ganda guiníʼnecaʼ cani cheʼ raqué.

◼ Scuela stiʼ ca precursor regular 2009. Zaca invitar cani maʼ napa ti iza de precursor ne gusaacaʼ 16 iza 1 stiʼ julio 2009 para checaʼ scuela riʼ, zanda cheʼ cani nahuiiniʼ pa cheʼ bixhózecaʼ. Ca precursor regular ne especial ni zanda cheʼ scuela stiʼ ca precursor riʼ guiropa biaje nga cani gusaa 14 iza de precursor 1 stiʼ julio 2009 ni qué huayecaʼ scuela ne libru cubi. Pa xheelaʼ precursor o precursora ca, bizulú 1 stiʼ julio 2008 o ante ne qué huayebe scuela riʼ ne libru cubi ca la? zaca invitarbe para chebe. Pa nuu tu maʼ bisaana de gaca precursor ne yanna maʼ bizulú sti biaje la? naquiiñeʼ gánnabe laaca zagabaʼ guiráʼ ca iza ni maca gúcabe precursor, ne zanda chebe scuela ca pa maʼ nápabe ti iza de dxi bizulube sti biaje. Naquiiñeʼ chinándatu modo nexheʼ gácani.