Cani chiguieeteʼ

◼ Cani zanda gusaananenu binni lu beeu marzo: libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia primeca biaje chigánnatu laa ne ngaca naquiiñeʼ gúnitu pa maʼ nápabe libru ca. Abril ne mayo: revista Torre stiʼ ni rapa ne ¡Despertad! Ora chigánnatu ca binni ni riuulaʼdxiʼ guiziidiʼ jma, casi cani rié ra rietenaláʼdxinu guendaguti stiʼ Jesús peru qué ridxaagapecaʼ xquidxi Dios la? laguni stipa pur guzulú gúʼndanetu laacabe de Biblia ne iquiiñetu libru Xipeʼ ndiʼ cusiidiʼ Biblia. Junio: libru Xipeʼ ndiʼ cusiidiʼ Biblia.

◼ Casi guedandá revista Torre stiʼ ni rapa ne ¡Despertad! ni jma nacubi ra nuu ca binni ridagulisaa la? naquiiñeʼ gudiicabe cani nagueendaca. Zacá zanda gánnacabe xiná cani ante gusaananécabe cani binni ora chigucheechecabe diidxaʼ.

◼ Zietenaláʼdxinu guendaguti stiʼ Jesús martes 30 stiʼ marzo 2010. Ca diidxaʼ riuundaʼ 8 ne 109 ni zeeda lu libru cubi ca nga cani zaquiiñeʼ lu guendaridagulisaa ca. Pa ridagulisaatu martes la? laguuyaʼ pa ganda gúnitu ni sti dxi ndaaniʼ semana ca. Peru pa stale neza binni ridagulisaa riquiiñeʼ Yoo stiʼ Reinu ca ne qué zanda guchaatu guendaridagulisaa ca la? zaa cadi gúnitu ni. Cani jma naquiiñeʼ ganna ca binni ridagulisaa ni nidiʼdiʼ semana ca lu Guendaridagulisaa stiʼ Dxiiñaʼ Stinu zanda guzeetecabe ni lu sti Guendaridagulisaa stiʼ Dxiiñaʼ Stinu.