Ximodo zanda gusaananu revista

Torre stiʼ ni rapa Julio-septiembre

«Casi guiranu runibiaʼnu tuuxa ni maʼ guti xheelaʼ. Yanna, ximodo ñacaneluʼ tuuxa para gatadxí ladxidóʼ pur yuubaʼ ni cadiʼdiʼ yaʼ [guleza guicábibe]. Riuubaʼ ladxidóʼ Dios ora guʼyaʼ cayacananu purtiʼ laa bizáʼ laanu ne nadxii laanu. Nga runi riguixhedxibe ladxidoʼno ora cadídinu lu xiixa guendanagana [biindaʼ 2 Corintios 1:3, 4]. Lu revista riʼ zeeda gaʼ conseju ni zanda iquiiñeluʼ para gacaneluʼ tuuxa ni cadiʼdiʼ lu yuubaʼ ca.» Biluíʼ laabe tema ni zeeda lu yaza 28.

¡Despertad! Septiembre

Biindaʼ Mateo 5:39, de racá gunabadiidxaʼ: «Ximodo riéneluʼ ni guníʼ Jesús ora bizeeteʼ gudii binni lugar cápacabe sti ladu xhaga. Ñee cusiidibe cadi naquiiñeʼ gúninu xiixa ora gucaalúcabe laanu la? [Guleza guicábibe de racá biluíʼ laabe tema ni zeeda lu yaza 10.] Tema riʼ cusiene xii nga gucalaʼdxiʼ Jesús niníʼ».

Torre stiʼ ni rapa Octubre-diciembre

«Stale binni cadxibi purtiʼ riníʼ ique zanitilú Guidxilayú pur ti guendaridinde ra iquiiñeʼ bomba o purtiʼ nabé maʼ cuchaa clima stini. Ñee raʼbuʼ zadxiña dxi gaca xiixa zacá la? [Guleza guicábibe.] Biblia laaca ruzeeteʼ de laani casi na textu riʼ [biindaʼ Apocalipsis 11:18]. Revista riʼ ricabi tapa de ca cosa ni jma rinabadiidxaʼ binni ora rieeteʼ zanitilú Guidxilayú.»

¡Despertad! Octubre

«Ndaaniʼ Guidxilayú riʼ nabé nuu stale binni ni rusiguii ne stale tu riguite sti binni para gaxha stícabe, nga runi riníʼ binni maʼ qué zanda guni cré guirutiʼ. Ñee zacaca riníʼ íqueluʼ la? [Guleza guicábibe.] Guiráʼ ni cadúʼyanu yanna cusihuínnicani cayaca ni na ca diidxaʼ riʼ [biindaʼ 2 Timoteo 3:1-5]. Revista riʼ cusiene nuuruʼ binni ni zanda guni crenu laa.»