Xhiiñaʼ Reinu ni cayaca Centroamérica
1. Xii nga zeeda gaca carru ni nuu guibáʼ, ne xiñee zanda guininu casi ñaca zigusá Jiobá ni.
1 Lu capítulo 1 stiʼ Ezequiel cayeeteʼ casi ñaca zuba Jiobá lu ti carru naroʼbaʼ ni nuu guibáʼ. Guendaridxagayaa modo rizá carru ni napa tapa rueda riʼ, ne espíritu santu stiʼ Dios nga stipa ni rucaanani para ganda sani ne nagueendaca ricá bieque ni. Carru ca nga zeeda gaca guiráʼ ca ángel ni cayuni ni na Jiobá, ne casi ñaca Dios nga zigusá ni purtiʼ laabe nga rucaa biéquebe ni ladu tiisi ne riquiiñebe ni para gúnibe ni quixhe íquebe (Eze. 1:4-28).
2, 3. 1) Xi guiráʼ nga cadúʼyanu cayaca yanna riʼ. 2) Xi rusihuinni nuu xquidxi Dios tobi si.
2 Nabé sicarú nga guidúʼyanu ca cosa ni cuchaa tiempu riʼ. Lu ca últimu iza ni gudídinu ca, guca caadxi cosa ni cusihuinni pabiáʼ nagueenda ricá bieque carru stiʼ Jiobá. Guzéʼtenu caadxi de laacani: Bidxaa modo raca ca guendaridagulisaa ca, maʼ ti lugar si raca imprimir ca libru ne ca revista stinu, ne jma maʼ riquiiñenu ca aparatu casi teléfono ne Internet para guinínenu sti binni jma nagueenda. ¡Aque sicarú nga cadúʼyanu guiráʼ cosa ni cayaca riʼ!
3 Amós, ni riguixhená que guníʼ zedandá dxi zaca «iráʼ binni» ni maʼ gulí Dios gaca xpinni ti grupu si (Amós 9:11, 12; Hech. 15:15-17). Cumu maʼ xpinni Jiobá laacabe la? Nuucabe tobi si. Ne rihuinni zacá ni purtiʼ maʼ cadi nanaláʼdxisaacabe neca nácacabe de gadxé raza, riníʼcabe gadxé diidxaʼ ne de gadxé gadxé guidxi laacabe.
4, 5. Xii nga ni nacubi gudixhe Grupu ni Zaniruʼ gaca ne xi pur bíʼnicabe ni.
4 Grupu ni Zaniruʼ stiʼ ca testigu stiʼ Jiobá, maʼ bizulú cuchaa modo runi ca xpinni Cristu dxiiñaʼ ndaaniʼ caadxi de ca Betel ni nuu lu guidubi naca Guidxilayú. Casi Centroamérica la? gudíxhecabe guʼyaʼ Betel stiʼ Méjicu ca dxiiñaʼ raca ndaaniʼ guidxi Costa Rica, El Salvador, Guatemala, Honduras, Nicaragua ne Panamá, cásica maʼ raca stale iza de cayuuyaʼ Méjicu dxiiñaʼ ni cayaca Belice. Ne pur nga maʼ bieeguʼ ca Betel ni nuu ndaaniʼ xhoopaʼ guidxi ni maʼ bizéʼtenu ca. Zacá maʼ zanda gúʼyacabe xi caquiiñeʼ ca binni ni nuu ndaaniʼ ca guidxi ca dede ti lugar si.
5 Razón jma risaca para bidxaa ca cosa riʼ nga gúʼyacabe gaca ca dxiiñaʼ ni cayaca ndaaniʼ ca guidxi riʼ de ti modo si. «Guiráʼ ca binni ni cadxiña ra nuu Jiobá ne cacaacaʼ invitación para chuʼcaʼ tobi si né xquídxibe ti gusisácacaʼ laabe» qué zusaana de guiziidicaʼ de Dios (Organizados, yaza 4; Sal. 145:21; Apo. 22:17). Ne sti razón pur gúcani sicaríʼ nga ti ganda gudiicabe ni caquiiñeʼ guiráʼ binni ni caziidiʼ de Dios, purtiʼ zeʼ dxi ziroobaʼ dxiiñaʼ riʼ. Ne laaca racané ni laanu chuʼnu tobi si para gúninu xhiiñaʼ Jiobá.
6. Xi bizaaca né ca Betel ni nuu Centroamérica lu ca últimu beeu riʼ.
6 Nga runi, dede ra guyuʼnu beeu julio hasta octubre 2010, bizulú bieeguʼ cada tobi de ca Betel ni nuu Centroamérica. Caadxi xpinni Cristu ni biʼniʼ dxiiñaʼ ndaaniʼ ca Betel ca laaca biseendacabe laacaʼ para chigúnicaʼ dxiiñaʼ ndaaniʼ Betel stiʼ Méjicu ne biseendacabe xcaadxi de laacaʼ para chigacanecaʼ guiroobaʼ xhiiñaʼ Reinu.
7. Xi runi Grupu ni Zaniruʼ ante quixhe ique guni xiixa.
7 Gudiʼnu lugar gabi Jiobá laanu xi gúninu. Para gunda gudixhe ique Grupu ni Zaniruʼ xi gaca, gupa xidé bíʼnicabe stale oración ne yenándacabe ni na lu Biblia. Milton G. Henschel, ni guyuu stale iza lu Grupu ni Zaniruʼ, ti biaje gunabadiidxaʼ: «Ñee nuu sti guidxi lu Guidxilayú riʼ —casi xquidxi Dios— ni napa ti grupu de binni ni zaniruʼ ni rinanda ca conseju zeeda lu Biblia ante quixhe íquecaʼ gúnicaʼ xiixa cosa risaca la?» Coʼ, gástiruʼ sti guidxi (biiyaʼ libru «Testimonio cabal», yaza 111-113, párrafo 10). Nanna dxíchinu rinándacabe ni na espíritu santu stiʼ Jiobá lu guiráʼ ni gúnicabe.
8. Xi zanda guni cada tobi de ca xpinni Jiobá para ganda saʼ biaʼca zizá carru ni nuu guibáʼ.
8 Grupu ni ruuyaʼ modo raca dxiiñaʼ ndaaniʼ ca Betel stiʼ ca guidxi ni nuu Centroamérica cayacanecaʼ né stale gana ni maʼ gudixhe ique Grupu ni Zaniruʼ ne nánnacabe zacaca zuni ca misioneru, ca binnigola ni riganna ca binni ridagulisaa, ca precursor, ca binnigola, ca siervu ministerial ne cani rucheeche diidxaʼ. Dxandipeʼ zaguu Jiobá ndaayaʼ guiráʼ cani zizá biaʼ zizá carru ni nuu guibáʼ ne zinándacaʼ ni na «cani nuu de xaíque» sticaʼ (Heb. 13:17).
9. Xi zanda gacané laanu gánnanu jma de ca xpinni Cristu ni nuu ndaaniʼ cada tobi de ca guidxi riʼ.
9 Lu ca mapa ni zeeda lu yaza 8 dede 10 rihuinni modo cayacané cada tobi de ca guidxi riʼ binni guireeche stiidxaʼ Reinu. Ñee maʼ biiyaluʼ paraa riaana guidxi ra nabézaluʼ la? Zándaca ñuuláʼdxiluʼ ñuundaluʼ jma de cada tobi de ca guidxi riʼ lu Anuario de los testigos de Jehová, zacá zanda gánnaluʼ ximodo lugar ra nabézacabe, ximodo ca binni ni nabeza ndaaniʼ cani, ximodo bizulú biziidicabe de Dios ndaaniʼ ca guidxi ca ne pabiáʼ maʼ biroobaʼ xquidxi Dios ca lugar ca. Zanda gúʼndatu jma de laacani dxi runi adorartu Dios né binnilídxitu. Ra jma gunibiaʼnu ca xpinni Cristu de xcaadxi guidxi zacané ni laanu chúʼnenu laacabe tobi si lu ni runi crenu (Efe. 6:21; Fili. 1:12).
10. Xi ndaayaʼ nga maʼ cahuinni yanna ne xi ribézanu guizaaca né cani cayaca riʼ.
10 Guiráʼ ni gudixhe Grupu ni Zaniruʼ ni guyuu lu primé siglu que beeda gácani ti ndaayaʼ para xquidxi Jiobá (Hech. 16:4, 5). Rihuinni dxíchica zacaca cayaca ca dxi stinu riʼ. Cadi tan xadxí, ti binnigola ni riganna ca binni ridagulisaa de Costa Rica guníʼ: «Cudieeʼ xquíxepeʼ laatu purtiʼ cayacané espíritu santu stiʼ Jiobá laatu para ganda gúnitu xhiiñatu jneza. Yanna jma maʼ nagueenda ne cadi nagana para guséʼndadu biaʼ dxiiñaʼ bínidu cada beeu, guinabadiidxadu xiixa ni cadi cayénedu, guinidu Betel ne guinínedu xcaadxi neza binni ridagulisaa. Yanna nga cadeʼdu “niidxi stiʼ ca guidxi roʼ ca”. Ni jma rusiecheʼ naa nga, runeʼ sentir cayapa xquidxi Dios naa. Nanna dxicheʼ Jiobá cayuuyaʼ gaca guiráʼ dxiiñaʼ riʼ» (Isa. 60:16). Sti xpinni Cristu guníʼ sicaríʼ: «Riecheʼ nga nuaaʼ lade ca binni ni cayuni dxiiñaʼ riʼ. Rudieeʼ xquíxepeʼ laatu pur guiráʼ ni cayanda cayúnitu né ca programa ni maʼ nápatu lu computadora. Runi sentirdu casi ñaca nuutu ra nuudu. Ne runi sentirdu nuudu jma gaxha de guidxi ni caguixhe Jiobá xi guni».
11. Xi naquiiñeʼ gúninu para cadi gusaananu de chuʼnu tobi si ra guni adorarnu Jiobá.
11 Cadi gusaana de chuʼnu tobi si. Ora chinándanu ni gabi Jesucristu, «xaíque» stinu laanu de guidubi ladxidoʼno la? qué zusaana de chuʼnu tobi si lu «irá ni iníʼ [íquenu]» neca gadxé gadxé lugar nuu ca Betel ca (Efe. 5:23; 1 Cor. 1:10). Nanna dxíchinu zadúʼyarunu modo guicá bieque carru ni nuu guibáʼ ne modo guiroobaʼ xhiiñaʼ Reinu. Nga runi, cadi naquiiñeʼ gusaana de guyúbinu modo gaca fe stinu naguidxi, ne cadi gusaana de chuʼnu tobi si ra guni adorarnu tobi lucha Dios ni dxandíʼ, Jiobá, laga cayúninu ni gabi «mozo ni nuu xpiaaniʼ ne ni runi jneza» laanu (Mat. 24:45-47).
[Epígrafe de la página 8]
MÉJICU
GUATEMALA
Ciudad de Guatemala
BELICE
Belmopán
HONDURAS
Tegucigalpa
EL SALVADOR
San Salvador
Managua
NICARAGUA
COSTA RICA
San José
PANAMÁ
Ciudad de Panamá
COLOMBIA
Biaʼ riʼ nga nuu 31 stiʼ agosto 2010
Guidxi Méjicu
GUATEMALA
Binni: 14,361,666
Circuito: 25
Neza binni ridagulisaa: 401
Ni rucheeche diidxaʼ: 30,015
Precursor regular: 3,179
Precursor especial: 207
Misioneru: 30
EL SALVADOR
Binni: 5,835,231
Circuito: 36
Neza binni ridagulisaa: 665
Ni rucheeche diidxaʼ: 37,337
Precursor regular: 2,617
Precursor especial: 280
Misioneru: 11
COSTA RICA
Binni: 4,509,392
Circuito: 21
Neza binni ridagulisaa: 394
Ni rucheeche diidxaʼ: 26,043
Precursor regular: 2,051
Precursor especial: 92
Misioneru: 29
BELICE
Binni: 303,283
Circuito: 2
Neza binni ridagulisaa: 49
Ni rucheeche diidxaʼ: 2,183
Precursor regular: 308
Precursor especial: 37
Misioneru: 9
HONDURAS
Binni: 8,175,763
Circuito: 18
Neza binni ridagulisaa: 302
Ni rucheeche diidxaʼ: 19,009
Precursor regular: 2,739
Precursor especial: 194
Misioneru: 92
NICARAGUA
Binni: 5,727,000
Circuito: 19
Neza binni ridagulisaa: 341
Ni rucheeche diidxaʼ: 22,848
Precursor regular: 2,471
Precursor especial: 215
Misioneru: 68
PANAMÁ
Binni: 3,504,483
Circuito: 18
Neza binni ridagulisaa: 279
Ni rucheeche diidxaʼ: 13,225
Precursor regular: 1,484
Precursor especial: 171
Misioneru: 38
MÉJICU
Binni: 108,782,804
Circuito: 557
Neza binni ridagulisaa: 12,339
Ni rucheeche diidxaʼ: 710,454
Precursor regular: 92,049
Precursor especial: 1,284
Misioneru: 5