Cani chiguieeteʼ

◼ Cani zanda gusaananenu binni lu beeu febrero: folletu Cani zeeda lu Biblia. Pa napa ca binni ca xiiñicaʼ ni nahuiiniʼ la? zanda gusaananetu laacaʼ Libru stinneʼ de ca historia stiʼ Biblia. Ne pa nápatu libru Lo que los jóvenes preguntan. Respuestas prácticas (volumen 1), zanda gusaananetu cani binni dede ra guirá cani. Marzo: libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia. Pa maʼ nápabe libru ca ne qué nabe guʼndanécabe laabe de Biblia la? zanda gusaananetu laabe ca revista ni cadi nacúbipeʼ o ti folletu ni chuuláʼdxibe. Abril ne mayo: revista Torre stiʼ ni rapa ne ¡Despertad! Ora chigánnatu ca binni ni riuulaʼdxiʼ guiziidiʼ jma, casi cani rié ra rietenaláʼdxinu guendaguti stiʼ Jesús peru qué ridxaagapecaʼ xquidxi Dios la? zanda gusaananetu laacaʼ libru Xipeʼ ndiʼ cusiidiʼ Biblia.

◼ Libana ni bibí para gudiicabe tiidiʼ si dxi guietenaláʼdxinu guendaguti stiʼ Jesús iza 2011 zaree lani «Ñee zanda gacané ca conseju stiʼ Biblia laanu gudxíʼlunu ca guendanagana nápanu yanna la?».

◼ Zietenaláʼdxinu guendaguti stiʼ Jesús domingu 17 stiʼ abril. Dxi ca zanda guidagulisaanu para chigucheechenu diidxaʼ, ne cadi naquiiñeʼ gaca sti guendaridagulisaa. Pa ridagulisaatu domingu la? zanda gúnitu ni sti dxi ndaaniʼ semana ca. Peru pa stale neza binni ridagulisaa riquiiñeʼ Yoo stiʼ Reinu ca ne qué zanda guchaatu guendaridagulisaa ca la? gastiʼ naca pa qué gúnitu ni. Lacuu gana ca binni ridagulisaa para gúʼndacaʼ tema ni zeeda lu Torre stiʼ ni rapa ni raca caber semana ca, ora guni adorarcaʼ Dios né binnilídxicaʼ.