Cani chiguieeteʼ

◼ Cani zanda gusaananenu binni lu beeu abril ne mayo: revista Torre stiʼ ni rapa ne ¡Despertad! Pa riuulaʼdxiʼ binni ca guiziidiʼ jma la? bisaanané laabe tratadu Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la? ne biʼniʼ stipa pur guzulú gúʼndaneluʼ laabe de Biblia. Ora chigánnatu ca binni ni riuulaʼdxiʼ guiziidiʼ jma, casi cani rié ra rietenaláʼdxinu guendaguti stiʼ Jesús peru qué ridxaagapecaʼ xquidxi Dios la? zanda gusaananetu laacaʼ libru Xipeʼ ndiʼ cusiidiʼ Biblia. Junio: libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia. Pa maʼ napa binni libru ca peru qué riuulaʼdxiʼ guiziidiʼ jma la? bisaanané laabe ti revista ni cadi tan nacubi o xiixa folletu ni chuuláʼdxibe. Julio: folletu Lii zanda gaca xhamíguluʼ Dios.

◼ Ca binnigola zanda guchaacaʼ ni chitiidiʼ lu Guendaridagulisaa stiʼ Dxiiñaʼ Stinu ti semana ante gápatu guendaridagulisaa de chonna gubidxa, para gusietenaláʼdxibe laatu cani caquiiñeʼ gánnatu de guendaridagulisaa ca. Tiidiʼ si ti beeu o chupa beeu de guca guendaridagulisaa ca, zanda iquiiñetu ti tiempu huiiniʼ stiʼ ndaa ni láʼ: Ni caquiiñeʼ ca binni ridagulisaa, para guzeetetu chupa chonna de cani jma zaquiiñeʼ ca xpinni Cristu ora maʼ zigucheechecaʼ diidxaʼ.

◼ Ra guiuʼnu beeu mayo, guiráʼ ca neza binni ridagulisaa zaquiiñecaʼ primé sábadu stiʼ beeu ca para quixhe íquecaʼ guzulú gúʼndanecaʼ binni de lu Biblia. Ndaa ni láʼ «Ni rusiidiʼ Stiidxaʼ Dios», zeeda ni lu Torre stiʼ ni rapa ni riree cada chonna beeu, guca ni para gacané ni laanu guidxélanu binni gúʼndanenu. Últimu yaza stiʼ Xhiiñaʼ Reinu ni Rúninu ca zedané ni modo zanda gusaananenu binni ca revista ca ne laaca neni modo zanda guzulú gúʼndanenu binni primé sábadu stiʼ beeu ca.