Cani chiguieeteʼ

◼ Cani zanda gusaananenu binni lu beeu marzo: libru Xipeʼ ndiʼ cusiidiʼ Biblia. Biʼniʼ stipa pur guzulú gúʼndaneluʼ binni de Biblia primeca biaje chigánnaluʼ laa. Pa maʼ napa binni libru ca peru qué riuulaʼdxiʼ guiziidiʼ jma la? bisaanané laabe ti revista ni cadi tan nacubi o xiixa folletu ni chuuláʼdxibe. Abril: revista Torre stiʼ ni rapa ne ¡Despertad! Pa riuulaʼdxiʼ binni ca guiziidiʼ jma la? bisaanané laabe tratadu Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la? ne biʼniʼ stipa pur guzulú gúʼndaneluʼ laabe de Biblia. Ora chigánnaluʼ ca binni ni rié ra rietenaláʼdxinu guendaguti stiʼ Jesús o xcaadxi guendaridagulisaa ni rápanu peru qué ridxaagapecaʼ xquidxi Dios la? zanda gusaananeluʼ laacaʼ libru Xipeʼ ndiʼ cusiidiʼ Biblia. Naquiiñeʼ gúniluʼ stipa pur guzulú gúʼndaneluʼ laacaʼ de Biblia. Mayo: folletu Lii zanda gaca xhamíguluʼ Dios ne Cani zeeda lu Biblia.

◼ Zietenaláʼdxinu guendaguti stiʼ Jesús jueves 5 stiʼ abril 2012. Pa ridagulisaatu jueves la? naquiiñeʼ guchaatu ni sti dxi ndaaniʼ semana ca. Peru pa qué zanda guchaatu guendaridagulisaa ca, ne pur laani maʼ qué ganda gápatu Guendaridagulisaa stiʼ Dxiiñaʼ Stinu la? zanda guzeetetu cani jma naquiiñeʼ ganna ca binni ridagulisaa ni nidiʼdiʼ semana ca lu sti Guendaridagulisaa stiʼ Dxiiñaʼ Stinu.

◼ Lu ca beeu ni zeeda ca zadúʼyanu ca videu ni láʼ Los jóvenes preguntan... ¿Cómo conseguir amigos verdaderos? ne Los jóvenes preguntan... ¿Qué haré con mi vida? Pa qué gápaluʼ cani la? nagueendaca gunabaʼ cani ra ridagulisaaluʼ.

◼ Riéchedu gábidu laatu zuzulú zaree revista Torre stiʼ ni rapa lu diidxaʼ garífuna 1 stiʼ abril. Diidxaʼ riʼ riníʼcabe ni Belice, Honduras, Guatemala ne Nicaragua. Revista riʼ zedaneni ca tema ni guiuundaʼ guiráʼ semana ne xhupa xhonna tema ni zanda guʼndaʼ binni ni nabeza neza ra rucheechecabe diidxaʼ, nga runi zanda gusaananécabe ni laacaʼ. Ne dede lu abril maʼ zuzulú zaree Xhiiñaʼ Reinu ni Rúninu lu diidxaʼ mazateco. Diidxaʼ riʼ riníʼ binni ni ndaaniʼ guidxi Méjicu.