Cani chiguieeteʼ

◼ Cani zanda gusaananenu binni lu beeu abril: revista Torre stiʼ ni rapa ne ¡Despertad! Pa riuulaʼdxiʼ binni ca guiziidiʼ jma la? bisaanané laabe tratadu Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la? ne biʼniʼ stipa pur guzulú gúʼndaneluʼ laabe de Biblia. Ora chigánnaluʼ ca binni ni rié ra rietenaláʼdxinu guendaguti stiʼ Jesús o xcaadxi guendaridagulisaa ni rápanu peru qué ridxaagapecaʼ xquidxi Dios la? zanda gusaananeluʼ laacaʼ libru Xipeʼ ndiʼ cusiidiʼ Biblia. Naquiiñeʼ gúniluʼ stipa pur guzulú gúʼndaneluʼ laacaʼ de Biblia. Mayo: folletu Lii zanda gaca xhamíguluʼ Dios ne Cani zeeda lu Biblia. Junio: libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia. Pa maʼ napa binni libru ca peru qué riuulaʼdxiʼ guiziidiʼ jma la? bisaanané laabe ti revista ni cadi tan nacubi o xiixa folletu ni chuuláʼdxibe. Julio: folletu Lii zanda gaca xhamíguluʼ Dios ne Cani zeeda lu Biblia. Ora chigánnanu binni sti biaje galán gudiʼnu laa libru Xipeʼ ndiʼ cusiidiʼ Biblia o pa caquiiñepeʼ la? zanda iquiiñenu ca folletu Bicaadiaga Dios ne Bicaadiaga Dios ne qué ziuu dxi gátiluʼ ne biʼniʼ stipa pur guzulú gúʼndaneluʼ binni ca.

◼ Ca binnigola zanda guchaacaʼ ni chitiidiʼ lu Guendaridagulisaa stiʼ Dxiiñaʼ Stinu ti semana ante gápatu guendaridagulisaa de chonna gubidxa, para gusietenaláʼdxibe laatu cani caquiiñeʼ gánnatu de guendaridagulisaa ca. Tiidiʼ si ti beeu o chupa beeu de guca guendaridagulisaa ca, zanda iquiiñetu ti tiempu huiiniʼ stiʼ ndaa ni láʼ: «Ni caquiiñeʼ ca binni ridagulisaa», para guzeetetu chupa chonna de cani jma zaquiiñeʼ ca xpinni Cristu ora maʼ zigucheechecaʼ diidxaʼ.

◼ Pa racaláʼdxiluʼ cheluʼ ti guendaridagulisaa de chonna gubidxa ndaaniʼ sti guidxi la? guyuu lu sitiu jw.org, ne ra cá zadxélatu ra na «Búsquedas» ne de racá zuuyaluʼ «Asambleas de distrito».